സംസ്ഥാനത്ത് സ്വർണവില സർവ്വകാല റെക്കോർഡിലെത്തി. ഗ്രാമിന് 40 രൂപയും പവന് 320 രൂപയുമാണ് ഇന്ന് വർധിച്ചത്. ഇതോടെ ഗ്രാമിന് 5890 രൂപയും, ഒരു പവൻ സ്വർണത്തിന് 47,120 രൂപയുമായി. 18 കാരറ്റിന്റെ ഒരു ഗ്രാം സ്വർണത്തിന് വില 4875 രൂപയാണ്. ഇതോടെ ഇത് 14-ാം തവണയാണ് സ്വർണവില റെക്കോർഡിലേക്ക് എത്തുന്നത്.
കഴിഞ്ഞ ആറു വർഷത്തിനിടെ കാൽ ലക്ഷം രൂപയുടെ വിലവർധനയാണ് സ്വർണത്തിന് രേഖപ്പെടുത്തിയിരിക്കുന്നത്. 118% വിലവർധന സംഭവിച്ചു. 2017 ജനുവരി 1ന് സ്വർണവില ഗ്രാമിന് 2645 രൂപയും, പവന് 21,160 രൂപയുമായിരുന്നു. 2023 ഡിസംബറിൽ 28ന് 5890 രൂപ ഗ്രാമിനും, പവന് 47,120 രൂപയുമാണ്.