തമിഴ്‌നാട്ടില്‍ ഓക്‌സിജന്‍ ലഭിക്കാതെ 11 രോഗികള്‍ മരിച്ചു. ചെങ്കല്‍പ്പേട്ട് സര്‍കാര്‍ ആശുപത്രിയില്‍ ചികിത്സയിലുള്ളവരാണ് മരിച്ചത്. പുലര്‍ചെ രണ്ട് മണിക്കൂറോളം ഓക്‌സിജന്‍ ക്ഷാമം നേരിട്ടെന്ന് ബന്ധുക്കള്‍ പറയുന്നു. മരിച്ചവരില്‍ കോവിഡ് ബാധിച്ച്‌ ചികിത്സയിലുള്ളവരും ഉള്‍പ്പെടുന്നു.
അതേസമയം കര്‍ണാടകയിലും ഓക്‌സിജന്‍ ക്ഷാമം അതിരൂക്ഷമാണ്. ചൊവ്വാഴ്ച മാത്രം ബംഗളുരുവിലെയും കലബുര്‍ഗിയിലെയും ആശുപത്രിയില്‍ ചികിത്സയിലുണ്ടായിരുന്ന ആറ് രോഗികള്‍ ഓക്‌സിജന്‍ ലഭിക്കാത്തതിനെ തുടര്‍ന്ന് മരിച്ചു. നഗരത്തിലെ നിരവധി ആശുപത്രികള്‍ ഓക്‌സിജന്‍ അഭ്യര്‍ത്ഥന പുറത്തിറക്കിയതിനെ തുടര്‍ന്നാണ് പലയിടത്തും ഓക്‌സിജന്‍ സ്റ്റോക്കെത്തിയത്.