എയർ ഇന്ത്യ ഓഫിസിലേക്ക് നടത്തിയ മാർച്ചിന്റെ പേരിൽ ജയിലടച്ച ടി വി രാജേഷ് എംഎൽഎക്കും ഡിവൈഎഫ്ഐ അഖിലേന്ത്യ പ്രസിഡൻറ് പി എ മുഹമ്മദ് റിയാസിനും ജാമ്യം.
രണ്ട് ആൾജാമ്യത്തിലും വിചാരണ വേളയിൽ മുടങ്ങാതെ കോടതിയിൽ ഹാജരാകണമെന്ന വ്യവസ്ഥയിലാണ് ജാമ്യം. കോഴിക്കോട് കോടതിയാണ് ജാമ്യം അനുവദിച്ചത്.
ചൊവ്വാഴ്ചയാണ് ഇരുവരെയും ജെസിഎം കോടതി റിമാൻഡ് ചെയ്തത്. വിമാന സർവിസുകൾ വെട്ടിക്കുറച്ചതിനെതിരെ 2010ൽ ഡിവൈഎഫ്ഐയുടെ നേതൃത്വത്തിൽ കോഴിക്കോട് എയർ ഇന്ത്യയുടെ ഓഫിസ് ഉപരോധിച്ചിരുന്നു.
ഇതിന്റെ പേരിലാണ് റിയാസിനും രാജേഷിനുമെതിരെ കേസെടുത്തത്. പൊതുമുതൽ നശിപ്പിച്ചുവെന്നു ആരോപിച്ചാണ് കേസ് എടുത്തത്.