റാഞ്ചി ജാര്‍ഖണ്ഡില്‍ മാവോയിസ്റ്റ് വേട്ടയ്ക്കിടെയുണ്ടായ സ്ഫോടനത്തില്‍ രണ്ട് ജവാന്മാര്‍ക്ക് വീരമൃത്യു. പശ്ചിമ സിംഗ്ഭുമില്‍ ഹോയഹത്തു ഗ്രാമത്തിലെ വനമേഖലയിലായിരുന്നു സ്ഫോടനം.
മാവോയിസ്റ്റുകളെ പിടികൂടുന്നതിനായി രൂപീകരിച്ച പോലീസിന്‍റെ പ്രത്യേകസംഘമായ ജാര്‍ഖണ്ഡ് ജാഗ്വാറിലെ ജവാന്മാരാണ് മരിച്ചത്. സംഘത്തിലെ രണ്ടുപേര്‍ക്ക് സാരമായി പരിക്കേറ്റു.
പ്രദേശത്ത് മാവോയിസ്റ്റുകള്‍ ഒളിച്ചിരിക്കുന്നതായി വിവരം ലഭിച്ചതിനെത്തുടർന്നാണ് പരിശോധനക്കായി സുരക്ഷാ സൈനികർ എത്തിയത്.