ഊരാളുങ്കല്‍ ലേബര്‍ കോൺട്രാക്ട് സൊസൈറ്റിയെ അഭിനന്ദിച്ച അടുത്തിടെ ബിജെപിയിൽ ചേർന്ന ഇ ശ്രീധരനെതിരെ സംസ്ഥാന പ്രസിഡന്റ് കെ സുരേന്ദ്രൻ. ആലപ്പുഴയിൽ മാധ്യമങ്ങളോട് സംസാരിക്കുമ്പോഴാണ് ഇ ശ്രീധരനെ തള്ളി കെ സുരേന്ദ്രൻ രംഗത്തുവന്നത്.
ഊരാളുങ്കലിന്‍റെ അഴിമതിയെ കുറിച്ച്‌ ഇ ശ്രീധരന് അറിയാൻ സാധ്യതയില്ല. മാത്രമല്ല, അദ്ദേഹം ഇങ്ങനെയുള്ള പരാമർശം നടത്തുമ്പോൾ നേതാക്കളോട് കൂടി ആലോചിക്കേണ്ടതാണെന്നും സുരേന്ദ്രൻ ഭീഷണിരൂപത്തിൽ പറഞ്ഞു.
പാലാരിവട്ടം പാലം പുനര്‍നിര്‍മാണം സമയബന്ധിതമായി പൂര്‍ത്തിയാക്കിയതിനാണ് ഊരാളുങ്കല്‍ സൊസൈറ്റിയെ ശ്രീധരന് അഭിനന്ദിച്ചത്. ശ്രീധരന്‍റെ മേല്‍നോട്ടത്തിലാണ് പുനര്‍നിര്‍മാണം പൂര്‍ത്തി‍യാക്കിയത്.
സമയബന്ധിതമായി നിർമാണപ്രവർത്തനം നടത്തുന്ന ഊരാളുങ്കല്‍ ലേബര്‍ കോൺട്രാക്ട് സൊസൈറ്റി രാജ്യത്തിനാകെ മാതൃകയാണെന്ന് ശ്രീധരൻ തുറന്നുപറഞ്ഞിരുന്നു. ഇതാണ് ബിജെപി സംസ്ഥാന പ്രസിഡന്റ് കെ സുരേന്ദ്രനെ പ്രകോപിപ്പിച്ചത്.