രാജ്യത്ത് സൈബര്‍ തട്ടിപ്പിന്റെ സംഭവങ്ങള്‍ തുടര്‍ച്ചയായി വര്‍ധിച്ചുവരികയാണ്. ഒരു ചെറിയ തെറ്റ് കൊണ്ട് നിങ്ങളുടെ ബാങ്ക് അക്കൗണ്ടും കാലിയായേക്കാം. അത്തരമൊരു സാഹചര്യത്തില്‍ തട്ടിപ്പുകള്‍ക്കെതിരെ നിങ്ങള്‍ ജാഗ്രത പാലിക്കേണ്ടത് പ്രധാനമാണ്. തട്ടിപ്പുകാര്‍ പല രീതികളും അവലംബിക്കാറുണ്ട്. പവര്‍കട്ടിന്റെ പേരിലും ചിലപ്പോള്‍ ജോലി ലഭിക്കുമെന്ന പേരിലും ആളുകള്‍ക്ക് സന്ദേശമയയ്ക്കാറുണ്ട്. ഈ സന്ദേശങ്ങള്‍ക്കൊപ്പം ഒരു ലിങ്കും ലഭിക്കും. ഈ ലിങ്കില്‍ ക്ലിക്ക് ചെയ്യുന്നതിലൂടെ നിങ്ങളുടെ പല വിശദാംശങ്ങളും ലഭിക്കും.
നിങ്ങള്‍ക്കും അത്തരം തട്ടിപ്പ് സന്ദേശങ്ങള്‍ ലഭിച്ചിട്ടുണ്ടെങ്കില്‍ നിങ്ങള്‍ ശ്രദ്ധിക്കേണ്ടതുണ്ട്. ഇതിലെ ആദ്യത്തെ സന്ദേശം ജോലിയെ കുറിച്ചാണ്.
1. ജോലി നല്‍കാനെന്ന പേരില്‍ തട്ടിപ്പ്
തന്റെ ജോലി അപേക്ഷ അംഗീകരിച്ചതായി മെസേജിലൂടെ ഉപയോക്താവിനോട് പറയുന്നു.ഇതിനുശേഷം ശമ്പളവും വാഗ്ദാനം ചെയ്യുന്നു. അവസാനമായി ഒരു ലിങ്ക് നല്‍കുകയും അതില്‍ ക്ലിക്ക് ചെയ്യാന്‍ ആവശ്യപ്പെടുകയും ചെയ്യുന്നു. ഇത് വാട്ട്സ്ആപ്പ് ചാറ്റിലേക്കുള്ള ലിങ്കാണ്. ഇതില്‍ ക്ലിക്ക് ചെയ്യുന്നതിലൂടെ നിങ്ങളുടെ വാട്ട്സ്ആപ്പ് ചാറ്റ് തുറക്കും.തുടര്‍ന്ന് നിങ്ങളില്‍ നിന്ന് സ്വകാര്യ വിവരങ്ങള്‍ നേടി ഇവര്‍ തട്ടിപ്പ് നടത്തും.
2. ബാങ്ക് അക്കൗണ്ട് ബ്ലോക്ക് ചെയ്യാനെന്ന പേരില്‍ തട്ടിപ്പ്
മറ്റൊരു തരത്തിലുള്ള തട്ടിപ്പില്‍ ബാങ്ക് അക്കൗണ്ടോ കാര്‍ഡോ ബ്ലോക്ക് ചെയ്യാന്‍ ഉപയോക്താവിനോട് പറയുന്നു.എസ്ബിഐ യോനോയെ നിരോധിക്കുമെന്നും ചിലപ്പോള്‍ എച്ച്ഡിഎഫ്‌സി നെറ്റ്ബാങ്കിംഗ് ബ്ലോക്ക് ചെയ്യുമെന്നും പറയാറുണ്ട്.അതില്‍ നല്‍കിയിരിക്കുന്ന ഫിഷിംഗ് ലിങ്കില്‍ അബദ്ധവശാല്‍ പോലും ക്ലിക്ക് ചെയ്യരുത്.
3. പവര്‍കട്ടിന്റെ പേരില്‍ തട്ടിപ്പ്
പവര്‍കട്ട് എന്ന സന്ദേശത്തിലൂടെ വലിയ തട്ടിപ്പാണ് നടക്കുന്നത്. ഉപയോക്താവിനോട് തന്റെ വീടിന്റെ വൈദ്യുതി വിച്ഛേദിക്കാന്‍ പോകുന്നുവെന്ന് സന്ദേശത്തിലൂടെ പറയുന്നു. ഇത് ഒഴിവാക്കാന്‍ അവരോട് ഒരു നമ്പറില്‍ വിളിക്കാന്‍ ആവശ്യപ്പെടുന്നു. ഈ നമ്പര്‍ തട്ടിപ്പുകാരുടേതാണ്. മാത്രമല്ല ഇവര്‍ നിങ്ങളില്‍ നിന്ന് എല്ലാ സ്വകാര്യ വിവരങ്ങളും നേടുകയും ചെയ്യും. സാമ്പത്തിക തട്ടിപ്പ് നടത്താനാണ് ഇത് ഉപയോഗിക്കുന്നത്.
4. ലോണ്‍ അപ്രൂവല്‍ സംബന്ധിച്ച് തട്ടിപ്പ്
ലോണ്‍ നല്‍കാനെന്ന പേരില്‍ ഉപയോക്താവുമായി തട്ടിപ്പ് നടത്തുന്നുണ്ട്. ആദ്യം ഉപഭോക്താവിന് തന്റെ ലോണ്‍ മുന്‍കൂട്ടി അംഗീകരിച്ചതായി സന്ദേശം നല്‍കുന്നു. നിങ്ങള്‍ ഒരിക്കലും അപേക്ഷിച്ചിട്ടില്ലാത്ത അത്തരം വായ്പകള്‍ അംഗീകരിക്കപ്പെട്ടിരിക്കുന്നു. ഇതിനുശേഷം ഒരു ലിങ്കില്‍ ക്ലിക്ക് ചെയ്യാന്‍ നിങ്ങളോട് ആവശ്യപ്പെടുന്നു. ഇങ്ങനെ നിങ്ങളില്‍ നിന്ന് വ്യക്തിഗത വിവരങ്ങള്‍ നേടിയാണ് തട്ടിപ്പ് നടത്തുന്നത്.
5. കസ്റ്റംസ് ഡിപ്പാര്‍ട്ട്മെന്റിന്റെ പേരില്‍ തട്ടിപ്പ്
ഒരു പുതിയ തട്ടിപ്പ് ഇപ്പോള്‍ അതിവേഗം വ്യാപകമാവുകയാണ്. ഉപയോക്താവിനുള്ള ഒരു വിലയേറിയ സമ്മാനം കസ്റ്റംസ് വകുപ്പിന്റെ പക്കലുള്ളതായി സന്ദേശം ലഭിക്കുന്നു. ഇത് ലഭിക്കാന്‍ നിങ്ങളോട് കസ്റ്റംസ് ഡ്യൂട്ടി അടയ്ക്കാന്‍ ആവശ്യപ്പെടുന്നു. കസ്റ്റംസ് ഡ്യൂട്ടിയുടെ പേരിലാണ് ഈ തട്ടിപ്പ് നടക്കുന്നത്. പണം നല്‍കിയതിന് ശേഷം തട്ടിപ്പുകാര്‍ നിങ്ങളുമായി ബന്ധം അവസാനിപ്പിക്കുന്നു.