ടോക്കിയോ ഒളിമ്ബിക്സ് പുരുഷ വിഭാഗം ഹോക്കിയില്‍ ജയം തുടര്‍ന്ന് ഇന്ത്യ. ആതിഥേയരായ ജപ്പാനെ മൂന്നിനെതിരേ അഞ്ച് ഗോളുകള്‍ക്കാണ് ഇന്ത്യ തകര്‍ത്തത്. ഗുര്‍ജന്ത് സിംഗ് ഇരട്ട ഗോളുകള്‍ നേടി. ഹര്‍മന്‍പ്രീത് സിംഗ്, നിലാകന്ദ് ശര്‍മ, സിമ്രജിത് സിംഗ് എന്നിവരാണ് മറ്റ് സ്കോറര്‍മാര്‍. ഗ്രൂപ്പ് ഘട്ടത്തിലെ ഇന്ത്യയുടെ നാലാം ജയമാണിത്.
രണ്ടാം മത്സരത്തില്‍ ഓസ്ട്രേലിയയോട് മാത്രമാണ് ഇന്ത്യ തോല്‍വി ഏറ്റുവാങ്ങിയത്. നിലവില്‍ 12 പോയിന്‍റുമായി ഇന്ത്യ ഗ്രൂപ്പില്‍ രണ്ടാമതാണ്. ഓസ്ട്രേലിയയാണ് ഒന്നാം സ്ഥാനത്ത്.