തിരുവനന്തപുരം: സംസ്ഥാനത്ത് അഞ്ചുപേര്ക്ക് കൂടി സിക്ക രോഗം സ്ഥിരീകരിച്ചതായി മന്ത്രി വീണാ ജോര്ജ് അറിയിച്ചു. തിരുവനന്തപുരം നെയ്യാറ്റിന്കര സ്വദേശി (53), പേട്ട സ്വദേശിനി (44), നേമം സ്വദേശിനി (27), വെള്ളയമ്ബലം സ്വദേശിനി (32), എറണാകുളത്ത് ജോലി ചെയ്യുന്ന തിരുവനന്തപുരം സ്വദേശിനി (36) എന്നിവര്ക്കാണ് സിക്ക വൈറസ് രോഗം സ്ഥിരീകരിച്ചത്.
പബ്ലിക് ഹെല്ത്ത് ലാബ്, തിരുവനന്തപുരം മെഡിക്കല് കോളേജ് വൈറോളജി ലാബ്, എന്.ഐ.വി. ആലപ്പുഴ എന്നിവിടങ്ങളില് നടത്തിയ പരിശോധനയിലാണ് സിക്ക വൈറസ് സ്ഥിരീകരിച്ചത്. ഇതോടെ സംസ്ഥാനത്ത് ആകെ 61 പേര്ക്കാണ് സിക്ക രോഗം സ്ഥിരീകരിച്ചത്. 7 പേരാണ് നിലവില് രോഗികളായുള്ളത്. ഇവരാരും തന്നെ ഗര്ഭിണികളല്ല. ആശുപത്രിയില് അഡ്മിറ്റുമല്ല. എല്ലാവരുടേയും ആരോഗ്യനില തൃപ്തികരമാണെന്നും മന്ത്രി വാര്ത്താക്കുറിപ്പില് വ്യക്തമാക്കി.