മ്യാൻമറിൽ തടങ്കലിലായ പ്രധാന മന്ത്രി ഓംഗ് സാൻ സുചിയെയും പ്രസിഡൻറ് വിൻ മിൻടിനെയും ഉടൻ വിട്ടയച്ചില്ലെങ്കിൽ സൈന്യം കനത്ത തിരിച്ചടി നേരിടുമെന്ന് യുഎസ്. മ്യാൻമറിൽ ജനാധിപത്യ മാനദണ്ഡങ്ങളും നിയമവാഴ്ചയും പാലിക്കപ്പെടണമെന്നും തെരഞ്ഞെടുപ്പ് ഫലത്തെ അട്ടിമറിക്കാനുള്ള ഒരു നീക്കത്തെയും യുഎസ് പിന്തുണയ്ക്കില്ലെന്നും വൈറ്റ് ഹൗസ് വക്താവ് അറിയിച്ചു.
മ്യാൻമറിൽ സൈനിക അട്ടിമറി. ഓങ് സാങ്‌ സൂചിയും പ്രസിഡന്റ് വിൻ മിൻടും നിരവധി പ്രവിശ്യാ മുഖ്യമന്ത്രിമാരും ഉൾപ്പെടെയുള്ളവരെ തടവിലാക്കി.ഔദ്യോഗിക ടിവിയും റേഡിയോയും പ്രവർത്തനം നിർത്തിവച്ചു. പ്രധാന നഗരമായ യാങ്കൂണിൽ മൊബൈൽ സേവനം തടസപ്പെട്ടു. മാധ്യമങ്ങൾക്കും വിലക്കാണ്‌. മൊബൈൽ സേവനങ്ങളും തടസ്സപ്പെട്ടു.
തെരഞ്ഞെടുപ്പിൽ ഓങ് സാൻ സൂചി വിജയമുറപ്പിച്ചതിന് പിന്നാലെയാണ് പട്ടാളനീക്കം.നവംബറിൽ നടന്ന തെരഞ്ഞെടുപ്പിൽ ഓങ് സാങ്‌ സൂചിയുടെ പാർടി വിജയം നേടിയിരുന്നു.83 ശതമാനം സീറ്റുകൾ നേടിയ തെരഞ്ഞെടുപ്പ് വിജയം പട്ടാളം അംഗീകരിച്ചിരുന്നില്ല. പട്ടാളത്തിന്റെ നിർദ്ദേശം മറികടന്ന്‌ ഇന്ന്‌ പാർലമെൻറ്‌ സമ്മേളനം ചേരാനിരിക്കെയാണ്‌ പട്ടാള അട്ടിമറി.