കർണാടകത്തിൽ നൂറിലധികം സ്ത്രീകളെ ലൈംഗികമായി പീഡിപ്പിച്ച യുവാവിനെ പൊലീസ് അറസ്റ്റ് ചെയ്തു. തുമക്കുരു മധുഗിരി സ്വദേശി ദിവ്യരാജ് (37) ആണ് അറസ്റ്റിലായത്. ചില പൊലീസ് ഉദ്യോഗസ്ഥകളും അഭിഭാഷകമാരും പീഡനത്തിനിരയായ സ്ത്രീകളിൽ ഉൾപ്പെടും.
കൃഷ്ണ, രാമകൃഷ്ണ, മഞ്ജുനാഥ്, ചൂൽ, പ്രശാന്ത്, പ്രവീൺ എന്നിങ്ങനെ വ്യത്യസ്ത പേരുകളിൽ സ്വയം പരിചയപ്പെടുത്തിയാണ് ദിവ്യരാജ് സ്ത്രീകളുമായി അടുപ്പം സ്ഥാപിച്ചത്. ദിവ്യരാജിനെതിരെ വിവിധ പൊലീസ് സ്റ്റേഷനുകളിലായി 14 കേസുകളുണ്ട്. സുഹൃത്തുക്കൾക്ക് നിയമസഹായം നൽകാനെന്ന വ്യാജേനയാണ് ദിവ്യരാജ് വനിതാ അഭിഭാഷകരെ പരിചയപ്പെടാറുള്ളത്. ഇതിനിടയിലാണ് ചിലരെ പീഡിപ്പിച്ചത്. സ്ത്രീകളെ സഹായിക്കാനെന്ന വ്യാജേന വനിതാ പോലീസുകാരെ സമീപിക്കാറുള്ള ദിവ്യരാജ് ചില പൊലീസ് ഉദ്യോഗസ്ഥകളെ വലയിലാക്കുകയും പീഡിപ്പിക്കുകയുമായിരുന്നു.