അടിമാലി എക്‌സൈസ് റേഞ്ച് നടത്തിയ പരിശോധനയില്‍ മെഴുകുംചാല്‍ അമ്മാവന്‍കുത്ത് ഭാഗത്ത് ബൈക്കില്‍ ഏഴ് കിലോ ഉണക്ക കഞ്ചാവ് കടത്തുന്നതിനിടെ രണ്ട് യുവാക്കള്‍ പിടിയില്‍. ആലപ്പുഴ ജില്ലയില്‍ ചേര്‍ത്തല കഞ്ഞിക്കുഴി പതിനൊന്നാം മൈല്‍ കരയില്‍ ചിറപ്പുറത്ത് കിരണ്‍ കിഷോര്‍ (20), കഞ്ഞിക്കുഴി കണിച്ചുകുളങ്ങര സ്വദേശി കണിയാപള്ളില്‍ വീട്ടില്‍ ശ്യാംലാല്‍ ശാന്തകുമാര്‍ (20) എന്നിവരെയാണ് അറസ്റ്റ് ചെയ്തത്.
ബൈക്കും മൊബൈല്‍ ഫോണുകളും കസ്റ്റഡിയിലെടുത്തു. കഞ്ചാവ് ആലപ്പുഴയിലെത്തിച്ച് കോളേജ് വിദ്യാര്‍ഥികള്‍ക്കും യുവാക്കള്‍ക്കും വില്‍പ്പന നടത്തുന്നതിനാണ് കൊണ്ടുപോയതെന്ന് പിടിയിലായ പ്രതികള്‍ പറഞ്ഞു.
കിരണ്‍ കിഷോര്‍ പൊലീസ്, എക്‌സൈസ് കേസുകളില്‍ പ്രതിയായി മുന്‍പ് ജയില്‍ ശിക്ഷ അനുഭവിച്ചിട്ടുണ്ട്.