കേരള മീഡിയ അക്കാദമി സംസ്ഥാന തലത്തില്‍ ഹൈസ്‌കൂള്‍ ഹയര്‍സെക്കന്‍ഡറി വിദ്യാര്‍ഥികള്‍ക്കായി സംഘടിപ്പിക്കുന്ന ‘ക്വിസ്പ്രസ്’ എന്ന ഇന്റര്‍ സ്‌കൂള്‍ പ്രശ്‌നോത്തരിയുടെ ലോഗോ പൊതുവിദ്യാഭ്യാസ ഡയറക്ടര്‍ ജീവന്‍ബാബു ഐഎഎസ് പ്രകാശനം ചെയ്തു. തിരുവനന്തപുരം കേസരി സ്മാരക ഹാളില്‍ നടന്ന പത്രസമ്മേളനത്തിലാണ് ലോഗോ പ്രകാശനം ചെയ്തത്.
ശാസ്ത്രം, വികസനം, മാധ്യമം എന്നിവയെ കേന്ദ്രീകരിച്ചുളളതാണ് ക്വിസ്പ്രസ്. ഏറ്റവും മികച്ച വിദ്യാലയ ടീമിന് മുഖ്യമന്ത്രിയുടെ ട്രോഫിയും അര ലക്ഷം രൂപയുടെ ക്യാഷ് െ്രെപസും ലഭിക്കും. 30,000 രൂപ, 15,000 രൂപ എന്നിങ്ങനെയാണ് യഥാക്രമം രണ്ട്, മൂന്ന് സ്ഥാനക്കാര്‍ക്ക് സമ്മാനമായി നല്‍കുക.