പാലക്കാട് മലമ്പുഴ ചെറാട് മലയില്‍ കുടുങ്ങിയ യുവാവിനെ താഴെയെത്തിക്കാനായി രക്ഷാപ്രവര്‍ത്തനങ്ങള്‍ തുടരുന്നു. യുവാവിനെ താഴെയിറക്കാനായി കോസ്റ്റ് ഗാർഡിന്റെ ഹെലികോപ്‌‌റ്റര്‍ എത്തി. മലയില്‍ കുടുങ്ങിയ യുവാവിനെ താഴെയെത്തിക്കാന്‍ നേരത്തെ നേവിയുടെ സഹായം തേടിയിരുന്നു.
ചെറാട്ടില്‍ റഷീദയുടെ മകന്‍ ബാബു (23) ആണ് തിങ്കള്‍ പകല്‍ കുടുങ്ങിയത്. തിങ്കള്‍ രാവിലെയാണ് ബാബു പ്രദേശവാസികളായ മറ്റ് രണ്ട്പേരോടൊപ്പം ട്രക്കിങ് തുടങ്ങിയത്. പാതിവഴിയില്‍ മറ്റുരണ്ടു പേരും മടങ്ങിയെങ്കിലും ബാബു വീണ്ടും മലകയറി. പിന്നീട് ബാബുവിനെ കാണാതായതിനെ തുടര്‍ന്ന് നടത്തിയ തെരച്ചിലിലാണ് പാറകള്‍ക്കിടയില്‍ കുടുങ്ങി കിടക്കുന്നതു കണ്ടെത്തിയത്. മുകളിലോട്ടും താഴോട്ടു നീങ്ങാനാകാത്ത നിലയിലാണ് കുടുങ്ങിയിട്ടുള്ളത്.