ഹണിട്രാപ്പില്‍പ്പെടുത്തി മലപ്പുറം സ്വദേശിയില്‍ നിന്നും 38 ലക്ഷം രൂപ കവർന്ന സംഭവത്തിൽ യുവതി അറസ്റ്റിൽ. യുവാവിനെ കെണിയില്‍പ്പെടുത്തി വിഡിയോ ചിത്രീകരിച്ച്‌ പണം തട്ടുകയായിരുന്നു സംഘം. ഇടുക്കി സ്വദേശി ഷിജിമോളെയാണ് പൊലീസ് അറസ്റ്റ് ചെയ്തത്. ഇവരുടെ പിന്നില്‍ വലിയ സംഘമുണ്ടെന്ന് പൊലീസ് പറഞ്ഞു.
അതിനിടെ, പെൺവാണിഭ സംഘത്തെ ചോദ്യം ചെയ്തയാളെ വധിക്കാന്‍ ക്വട്ടേഷന്‍ നല്‍കിയ സംഭവത്തില്‍ കൊച്ചിയില്‍ ഓട്ടോ റാണി എന്നറിയപ്പെടുന്ന സോളി ബാബു പിടിയിലായി. എറണാകുളം സ്വദേശി ജോയിയെ വധിക്കാനാണ് യുവതി ക്വട്ടേഷന്‍ നല്‍കിയത്. കഴിഞ്ഞ 24ന് സൗത്ത് റെയില്‍വേ സ്റ്റേഷന്‍ പരിസരത്തുവെച്ച്‌ ജോയിക്ക് നേരെ ആക്രമണമുണ്ടായിരുന്നു.