പാകിസ്ഥാനുവേണ്ടി ചാരപ്പണി നടത്തിയ രണ്ടുപേരെ പൊലീസ് അറസ്റ്റ് ചെയ്തു. രജൗരിയിലെ അതിർത്തിമേഖലയിൽ താമസിക്കുന്ന നസീര്‍ ഹുസൈന്‍, മുഹമ്മദ് മുക്താര്‍ എന്നിവരെയാണ് അറസ്റ്റ് ചെയ്തത്. അറസ്റ്റിലായവരിൽ ഒരാൾ സൈന്യത്തിന് വേണ്ടി പോര്‍ട്ടറായി പ്രവര്‍ത്തിക്കുകയായിരുന്നു.
രണ്ടാമത്തെയാള്‍ ഇയാളുടെ ബന്ധുവാണ്. പൊലീസിന്‍റെയും സൈന്യത്തിന്‍റെയും സംയുക്തസംഘമാണ് ഇരുവരെയും പിടികൂടിയത്. സൈന്യത്തിന്‍റെ സുരക്ഷ പ്രാധാന്യമുള്ള കെട്ടിടങ്ങളും മറ്റും വിഡിയോ എടുത്ത് ഇവര്‍ കൈമാറിയെന്നാണ് റിപ്പോര്‍ട്ട്. നേരത്തെ ‘രാഷ്ട്രീയ റൈഫിള്‍സി’ന്‍റെ ആസ്ഥാനമായി പ്രവര്‍ത്തിച്ച മേഖലയുടെ ദൃശ്യങ്ങളാണ് ഇവര്‍ മൊബൈലില്‍ പകര്‍ത്തിയത്.