വാക്സിന് സര്ട്ടിഫിക്കറ്റുകള്ക്ക് സമാനമായി ഇനി കോവിഡ് പരിശോധന ഫലവും കോവിന് വെബ്സൈറ്റുമായി ബന്ധിപ്പിക്കാനുള്ള ഒരുക്കത്തിലാണ് കേന്ദ്ര സര്ക്കാര്. ഇത് ഉടന് തന്നെ പ്രാബല്യത്തിലാകുമെന്ന് നാഷണല് ഹെല്ത്ത് അതോറിറ്റി മേധാവി ആര്.എസ്.ശര്മ്മ പറഞ്ഞു. ഡിജിറ്റല് സിഗ്നേച്ചറോട് കൂടിയ ആര്ടിപിസിആര് പരിശോധന ഫലം കോവിന് സൈറ്റില് നിന്ന് ഡൗണ്ലോഡ് ചെയ്യാന് സാധിക്കും. നിലവില് വാക്സിന് സര്ട്ടിഫിക്കറ്റ് ലഭിക്കുന്നത് പോലെയുള്ള സംവിധാനം ഒരുക്കുകയാണ് തങ്ങളെന്നും ശര്മ്മ വ്യക്തമാക്കി.
© NERARIYAN | 2023