ലോകബാങ്ക് റിപ്പോർട്ട് പ്രകാരം ആഭ്യന്തരമായി കുടിയേറിയ ഇന്ത്യക്കാരുടെ വരുമാനത്തിൽ 40% വർധനവുണ്ടായപ്പോൾ വിദേശത്ത് ജോലി ചെയ്യുന്ന ഇന്ത്യക്കാരുടെ വരുമാനത്തിൽ 120% വർധനവാണുണ്ടായത്.
യുഎസിലേക്ക് കുടിയേറുന്ന കുറഞ്ഞ വൈദഗ്ധ്യമുള്ള ഇന്ത്യക്കാരുടെ വരുമാനത്തിൽ 500% കുതിച്ചുചാട്ടമുണ്ടാകുമെന്ന് അതിൽ പറയുന്നു. യുഎഇയിലേക്ക് കുടിയേറുന്നവർക്ക് ഏകദേശം 300% വരുമാന വർദ്ധനവ് കാണാൻ കഴിയും.
കുടിയേറ്റക്കാർ, അഭയാർത്ഥികൾ, സമൂഹങ്ങൾ എന്ന തലക്കെട്ടിലുള്ള റിപ്പോർട്ട് നൈപുണ്യത്തിനുപുറമെ, ലക്ഷ്യസ്ഥാനം, ഭാഷാശേഷി, പ്രായം എന്നിവയുൾപ്പെടെയുള്ള മറ്റ് ഘടകങ്ങളും വരുമാനം നിർണ്ണയിക്കുന്നതിൽ നിർണായക പങ്ക് വഹിക്കുന്നുണ്ടെന്ന് ചൂണ്ടിക്കാട്ടി.