അരുണാചൽ പ്രദേശിലെ തവാങ് സെക്‌ടറിലെ നിയന്ത്രണ രേഖയിൽ (എൽഎസി) ഇന്ത്യയും ചൈനയും സൈനികർ ഏറ്റുമുട്ടി. ഡിസംബർ 9നാണ് സംഭവം നടന്നത്. ഏറ്റുമുട്ടലിൽ ചില ഇന്ത്യൻ സൈനികർക്ക് പരിക്കേറ്റുവെന്നാണ് റിപ്പോർട്ടുകൾ.
തവാങ് സെക്‌ടറിന് സമീപമുള്ള യാങ്സ്റ്റെ മേഖലയിൽ ചൈനീസ് സൈന്യം ഇന്ത്യൻ സൈനികരുമായി ഏറ്റുമുട്ടിയതായി അടുത്ത വൃത്തങ്ങൾ അറിയിച്ചു. മുഖാമുഖമുണ്ടായ ഏറ്റുമുട്ടലിൽ ഇരുവശത്തുമുള്ള കുറച്ച് പേർക്ക് നിസാര പരിക്കുകളുണ്ടാക്കി. സംഭവത്തിന് ശേഷം ഉടൻ തന്നെ ഇരുവിഭാഗവും പ്രദേശത്ത് നിന്ന് പിരിഞ്ഞുപോയി.
അതേസമയം, കഴിഞ്ഞ വർഷം ഒക്ടോബറിൽ ഇതേ മേഖലയിൽ ചൈനീസ് സൈനികരെ ഇന്ത്യൻ സൈന്യം തടഞ്ഞിരുന്നു എന്നത് ശ്രദ്ധേയമാണ്. 200 പീപ്പിൾസ് ലിബറേഷൻ ആർമി (പിഎൽഎ) സൈനികരെ അരുണാചൽ പ്രദേശിലെ യഥാർത്ഥ നിയന്ത്രണ രേഖയ്ക്ക് (എൽഎസി) സമീപമാണ് അന്ന് ഇന്ത്യൻ സൈന്യം തടഞ്ഞത്.