നയന്താരയുടെയും (Nayanthara) വിഗ്നേഷ് ശിവന്റെയും (Vignesh Shivan) വിവാഹമാണ് സിനിമാലോകത്തെ ഏറ്റവും പുതിയ ആഘോഷം.
കഴിഞ്ഞ ആറ് വര്ഷമായി പ്രണയത്തിലായിരുന്ന ഇരുവരും ജൂണ് 9 ന് ചെന്നൈക്കടുത്തുള്ള മഹാബലിപുരത്ത് വച്ച് വിവാഹിതരാകുന്നു. ദമ്ബതികള് തങ്ങളുടെ അടുത്ത സുഹൃത്തുക്കള്ക്കും കുടുംബാംഗങ്ങള്ക്കും ഡിജിറ്റല് ക്ഷണങ്ങള് അയച്ചതായി റിപ്പോര്ട്ടുണ്ട്. ജൂണ് 4 ന് നയന്താരയും വിഘ്നേഷ് ശിവനും തമിഴ്നാട് മുഖ്യമന്ത്രി എം.കെ. സ്റ്റാലിനെ വിവാഹത്തിന് ക്ഷണിക്കാനായി എത്തിയിരുന്നു. ഉദയനിധി സ്റ്റാലിനും ഒപ്പമുണ്ടായിരുന്നു.
ദമ്ബതികള് മുഖ്യമന്ത്രിയെ കാണുകയും വിവാഹത്തിന് ക്ഷണിക്കുകയും ചെയ്തു. ജൂണ് 9 ന് നടന്ന വിവാഹത്തിന് തൊട്ടുപിന്നാലെ, ദമ്ബതികള് ചെന്നൈയില് ഗംഭീരമായ റിസപ്ഷന് സംഘടിപ്പിക്കും. സിനിമാ രംഗത്തെ പ്രമുഖരും സഹപ്രവര്ത്തകരും മറ്റ് സെലിബ്രിറ്റികളും വിവാഹ സത്കാരത്തില് പങ്കെടുക്കുമെന്ന് പ്രതീക്ഷിക്കുന്നു. മാധ്യമ റിപ്പോര്ട്ടുകള് പ്രകാരം വിജയ് സേതുപതി, സാമന്ത, നെല്സണ് ദിലീപ് കുമാര് എന്നിവര് മഹാബലിപുരത്ത് ദമ്ബതികളുടെ വിവാഹത്തില് പങ്കെടുക്കുമെന്ന് പറയപ്പെടുന്നു
നയന്താരയുടെയും വിഗ്നേഷ് ശിവന്റെയും വിവാഹം തിരുപ്പതിയില് നടക്കുമെന്ന് നേരത്തെ റിപ്പോര്ട്ടുകള് വന്നിരുന്നുവെങ്കിലും വിവാഹം ഇപ്പോള് മറ്റൊരു സ്ഥലത്ത് വെച്ച് നടത്താനൊരുങ്ങുകയാണ്.
വിഗ്നേഷ് ശിവന് അവസാനമായി സംവിധാനം ചെയ്തത് ‘കാത്തുവാക്കുളെ രണ്ടു കാതല്’ ആണ്. ഇതില് നയന്താരയും സാമന്തയുമാണ് നായികമാര്. കൂടാതെ ‘എകെ 62’ എന്ന് താല്ക്കാലികമായി പേരിട്ടിരിക്കുന്ന അജിത്തിന്റെ അടുത്ത ചിത്രം ഉടന് സംവിധാനം ചെയ്യും. നയന്താര ഇപ്പോള് OTT-യില് നേരിട്ട് റിലീസ് ചെയ്യുന്ന ‘O2’ എന്ന ചിത്രത്തിനായി കാത്തിരിക്കുകയാണ്. ഷാരൂഖ് ഖാനെ നായകനാക്കി ആറ്റ്ലി സംവിധാനം ചെയ്യുന്ന ‘ജവാന്’ എന്ന ചിത്രത്തിലൂടെ സൂപ്പര് താരം ബോളിവുഡിലും അരങ്ങേറ്റം കുറിക്കുന്നുണ്ട്.
2015ല് പുറത്തിറങ്ങിയ ‘നാനും റൗഡി താന്’ എന്ന ചിത്രത്തിലാണ് സംവിധായകനും നായികയും ആദ്യമായി ഒന്നിച്ചു പ്രവര്ത്തിച്ചത്. ആ ബന്ധം ആദ്യം സൗഹൃദത്തിലേക്കും പിന്നീട് പ്രണയത്തിലേക്കും വഴിമാറി. കഴിഞ്ഞ വര്ഷം തന്റെ വിവാഹനിശ്ചയ മോതിരത്തോടുകൂടിയ ഒരു ചിത്രം ഇന്റര്നെറ്റില് പോസ്റ്റ് ചെയ്തതോടെയാണ് നയന്താര തന്റെ വിവാഹനിശ്ചയ വാര്ത്ത പ്രഖ്യാപിച്ചത്.