സംപ്രേഷണ വിലക്കിനെതിരെ മീഡിയ വൺ ചാനൽ സുപ്രീംകോടതിയെ സമീപിച്ചു. വിലക്കിനെതിരായ ഹർജി ഹൈക്കോടതി ഡിവിഷൻ ബഞ്ച്
ചൊവ്വാഴ്ച തള്ളിയിരുന്നു. ഈ സാഹചര്യത്തിലാണ് ചാനൽ സുപ്രീംകോടതിയെ സമീപിച്ചിരിക്കുന്നത്.
കേന്ദ്ര നടപടി ശരിവച്ച ഹൈക്കോടതി ഉത്തരവ് റദ്ദാക്കണമെന്ന് ഹര്ജിയില് ആവശ്യപ്പെട്ടു. ചാനലിന്റെ ലൈസന്സ് ഏകപക്ഷീയമായി റദ്ദാക്കിയെന്നും, നടപടി മൗലികാവകാശങ്ങളുടെ ലംഘനമാണെന്നും ഹര്ജിയില് ചൂണ്ടിക്കാട്ടി.
ചാനല് വിലക്കിന് രാജ്യസുരക്ഷയെന്ന കാരണമാണ് കേന്ദ്രസര്ക്കാര് ഹൈക്കോടതിയെ അറിയിച്ചിരുന്നത്. ഈ വാദം ഹൈക്കോടതി അംഗീകരിക്കുകയായിരുന്നു. മാധ്യമം ബ്രോഡ്കാസ്റ്റിംഗ് ലിമിറ്റഡും കേരള പത്രപ്രവര്ത്തക യൂണിയനുമടക്കമുള്ളവര് നല്കിയ അപ്പീലാണ് ചീഫ് ജസ്റ്റിസ് എസ് മണികുമാര്, ജസ്റ്റിസ് ഷാജി പി ചാലി എന്നിവരടങ്ങുന്ന ബഞ്ച് തള്ളിയത്.
ഏതാനും ദിവസങ്ങള്ക്ക് മുന്പ് ഹര്ജിയില് വാദം പൂര്ത്തിയാക്കിയ ഡിവിഷന് ബഞ്ച് വിധി പറയാന് മാറ്റുകയായിരുന്നു. സിംഗിള് ബഞ്ച് ഉത്തരവ് സ്റ്റേ ചെയ്യാന് വാദത്തിനിടെ ഹൈക്കോടതി വിസമ്മതിച്ചിരുന്നു.
സിഗിംൾ ബെഞ്ച് ഉത്തരവിൽ ഇടപെടേണ്ട സാഹചര്യമില്ലെന്ന് ഡിവിഷൻ ബെഞ്ച് വ്യക്തമാക്കി. കേന്ദ്ര സർക്കാർ മുദ്ര വെച്ച കവറിൽ ഹാജരാക്കിയ രഹസ്യ രേഖകൾ പരിശോധിച്ച ശേഷമായിരുന്നു ഡിവിഷൻ ബെഞ്ചിന്റെ തീരുമാനം.