യുക്രെയ്‌നില്‍ നിന്നുള്ള ഇന്ത്യക്കാരുമായുള്ള നാലാമത്തെ വിമാനം പുറപ്പെട്ടു. റൊമാനിയയിലെ ബുക്കാറസ്റ്റില്‍ നിന്നുമാണ് എയര്‍ഇന്ത്യയുടെ വിമാനം യാത്ര ആരംഭിച്ചത്. വിമാനത്തില്‍ 198 യാത്രക്കാരുണ്ട്. ഡല്‍ഹിയിലാണ് വിമാനം എത്തുക. ഇന്ന് രാവിലെ യുക്രെയ്‌നില്‍ നിന്നും ഇന്ത്യക്കാരെയും കൊണ്ടുള്ള മൂന്നാമത്തെ വിമാനം ഡല്‍ഹിയിലെത്തിയിരുന്നു. ബുഡാപെസ്റ്റില്‍ നിന്നുള്ള എയര്‍ഇന്ത്യ വിമാനത്തില്‍. 240 പേര്‍ യാത്രക്കാരുണ്ടായിരുന്നു. ഇതില്‍ 25 മലയാളികളും ഉള്‍പ്പെടും.