ഭീകരർ തീരം വഴി രാജ്യത്തേക്കെന്ന്‌ മുന്നറിയിപ്പ്, കേ​ര​ള തീ​ര​ത്ത് അ​തീ​വ ജാ​ഗ്ര​ത

0
17

 

താ​ലി​ബാ​ന്‍ ജയിലിലുകളില്‍നിന്നു തുറന്നുവിട്ട ഭീകരർ ക​ട​ല്‍​മാ​ര്‍​ഗം ഇന്ത്യയിലേക്ക് കടന്നേക്കാമെന്ന മുന്നറിയിപ്പിന്റെ അടിസ്ഥാനത്തിൽ കേരള തീരത്തും അതീവ ജാഗ്രത. പാ​ക്കി​സ്ഥാ​ന്‍ വ​ഴി ക​ട​ല്‍​മാ​ര്‍​ഗം ഭീകരസം​ഘം ഇ​ന്ത്യ​യി​ലേ​ക്ക് ക​ട​ക്കാ​ന്‍ സാ​ധ്യ​ത​യു​ണ്ടെ​ന്നാ​ണ് വി​വി​ധ കേ​ന്ദ്ര ഏ​ജ​ന്‍​സി​ക​ളു​ടെ മു​ന്ന​റി​യി​പ്പ്. കേ​ന്ദ്ര-​സം​സ്ഥാ​ന ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന്‍റെ മു​ന്ന​റി​യി​പ്പു​ക​ളു​ടെ അ​ടി​സ്ഥാ​ന​ത്തി​ല്‍ കോ​സ്റ്റ​ല്‍​പോ​ലീ​സ് പ​ട്രോ​ളിം​ഗും പ​രി​ശോ​ധ​ന​യും ശ​ക്ത​മാ​ക്കി. തീ​ര​ദേ​ശ​വു​മാ​യി ബ​ന്ധ​പ്പെ​ട്ടു​ള്ള ജി​ല്ലാ പോ​ലീ​സ് മേ​ധാ​വി​മാ​ര്‍​ക്ക് സു​ര​ക്ഷ ശ​ക്ത​മാ​ക്കാ​ന്‍ മു​ന്ന​റി​യി​പ്പും ന​ല്‍​കി​.
തീ​ര​പ്ര​ദേ​ശ​വു​മാ​യി ബ​ന്ധ​പ്പെ​ട്ട് അ​പ​രി​ചി​ത​രെ ക​ണ്ടാ​ല്‍ അ​റി​യി​ക്ക​ണ​മെന്നു മ​ത്സ്യ​തൊ​ഴി​ലാ​ളി​ക​ള്‍​ക്കും തീ​ര​ദേ​ശ​വാ​സി​ക​ള്‍​ക്കും കോ​സ്റ്റ​ല്‍​പോ​ലീ​സ് മു​ന്ന​റി​യി​പ്പ് ന​ല്‍​കി. കൂ​ടാ​തെ തീ​ര​മേ​ഖ​ല​യി​ലെ ഹോ​ട്ട​ലു​ക​ള്‍​ക്കും ലോ​ഡ്ജു​ക​ള്‍​ക്കും ജീ​വ​ന​ക്കാ​ര്‍​ക്കും ഈ നിർദ്ദേശം നൽകിയിട്ടുണ്ട്. ഭീ​ക​ര​സം​ഘ​ട​ന​യാ​യ ഐ​എ​സു​മാ​യി ബ​ന്ധ​മു​ണ്ടെ​ന്നു സം​ശ​യി​ക്കു​ന്ന 25 ഇ​ന്ത്യ​ക്കാ​ര്‍ അ​ഫ്ഗാ​നി​ലു​ണ്ടെ​ന്നാ​യി​രു​ന്നു ദേ​ശീ​യ അ​ന്വേ​ഷ​ണ ഏ​ജ​ന്‍​സി​ക്കു ല​ഭി​ച്ച വി​വ​രം. ഇവരെ താലിബാൻ കഴിഞ്ഞ ദിവസം തുറന്നുവിട്ടിരുന്നു. കേരള, കർണാടകം എന്നിവിടങ്ങളിലുള്ള സംഘത്തെയാണ് തുറന്നുവിട്ടത്. ഈ സാഹചര്യത്തിലാണ് തീരമേഖലയിൽ കനത്ത ജാഗ്രത പുലർത്താൻ രഹസ്യാന്വേഷണ വിഭാഗം മുന്നറിയിപ്പ് നൽകിയത്.
സം​സ്ഥാ​ന​ത്ത് 18 കോ​സ്റ്റ​ല്‍ പോ​ലീ​സ് സ്റ്റേഷ​നു​ക​ള്‍​ക്കും സു​ര​ക്ഷ ശ​ക്ത​മാ​ക്കാ​ന്‍ നി​ര്‍​ദേ​ശം ന​ല്‍​കി​. കോ​സ്റ്റ​ല്‍ ഐ​ജി പി വി​ജ​യ​ന്‍റെ നേ​തൃ​ത്വ​ത്തി​ല്‍ സു​ര​ക്ഷ വി​ല​യി​രു​ത്തു​ന്നു​ണ്ട്. ദേ​ശീ​യ അ​ന്വേ​ഷ​ണ ഏ​ജ​ന്‍​സി (എ​ന്‍​ഐ​എ) , ഇ​ന്‍റ​ലി​ജ​ന്‍​സ് ബ്യൂ​റോ (ഐ​ബി), എ​സ്‌എ​സ്ബി വി​ഭാ​ഗ​ങ്ങ​ള്‍ തീ​ര​മേ​ഖ​ല​യു​മാ​യി ബ​ന്ധ​പ്പെ​ട്ടു​ള്ള വി​വ​ര​ങ്ങ​ള്‍ ശേ​ഖ​രി​ച്ചു.