പ്രോജക്ട് മാനേജർ, റിസർച്ച് അസിസ്റ്റൻ്റ് തസ്തികകളിലേയ്ക്ക് അപേക്ഷ ക്ഷണിക്കുന്നു

സർക്കാർ മെഡിക്കൽ കോളേജിൽ പ്രോജക്ട് മാനേജർ,
റിസർച്ച് അസിസ്റ്റൻ്റ് തസ്തികകളിലേയ്ക്ക് കരാർ അടിസ്ഥാനത്തിൽ നിയമനം നടത്തുന്നു. പ്രോജക്ട് മാനേജർ തസ്തികയ്ക്ക് മെഡിക്കൽ മൈക്രോബയോളജിയിലോ മെഡിക്കൽ ലബോറട്ടറി ടെക്നോളജിയിലോ ബിരുദാനന്തര ബിരുദം എന്നിവയാണ് വിദ്യാഭ്യാസ യോഗ്യത. ആൻ്റിബയോട്ടിക് ഉപയോഗക്രമത്തെക്കുറിച്ചും എ എം ആർ ടെക്നിക്കിനെക്കുറിച്ചുമുള്ള അറിവ്.
കംപ്യൂട്ടർ ഉപയോഗിക്കുന്നതിലെ പരിജ്ഞാനം മുതലായ പ്രവൃത്തി പരിചയം ഉണ്ടായിരിക്കണം.
പ്രായപരിധി 40 വയസ്. പ്രതിമാസ വേതനം: 70,000/- രൂപ. കരാർ കാലവധി  എട്ടു മാസം.

റിസർച്ച് അസിസ്റ്റൻ്റ്

ഒഴിവുകളുടെ എണ്ണം: ഒന്ന്. വിദ്യാഭ്യാസ യോഗ്യത: ബന്ധപ്പെട്ട വിഷയത്തിൽ ബിരുദാനന്തര ബിരുദം (വൈറോളജി, മോളിക്യുലാർ ബയോളജി, മൈക്രോബയോളജി, ബയോടെക്നോളജി).
പ്രവൃത്തി പരിചയം.: സുസജ്ജമായ മോളി ക്യുലാർ ലാബിൽ ഒന്നോ രണ്ടോ വർഷത്തെ ഗവേഷണ പരിചയം, കംപ്യൂട്ടർ ഉപയോഗിക്കുന്നതിൽ മികച്ച പരിജ്ഞാനം, ഫീൽഡുകൾ സന്ദർശിച്ച് ബയോളജിക്കൽ സാമ്പിളുകൾ ശേഖരിക്കുന്നതിലെ പരിചയം.
പ്രതിമാസ വേതനം: 31,000/- രൂപ. തിരുവനന്തപുരം സ്വദേശികൾക്ക് മുൻഗണന. കരാർ കാലാവധി ഒരു വർഷം.  താത്പര്യമുള്ളവർ ജനനത്തീയതി, വിദ്യാഭ്യാസ യോഗ്യത, മുൻ പരിചയം, മേൽവിലാസം ( ഇ-മെയിൽ വിലാസം, ഫോൺ നമ്പർ ഉൾപ്പെടെ) എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം അപേക്ഷിക്കേണ്ടതാണ്.
അപേക്ഷകൾ 2021 സെപ്തംബർ 15 വൈകുന്നേരം മൂന്നു മണി വരെ മെഡിക്കൽ കോളേജ് പ്രിൻസിപ്പലിൻ്റെ കാര്യാലയത്തിൽ തപാൽ വഴിയോ ഇ- മെയിൽ വഴിയോ നേരിട്ടോ സമർപ്പിക്കാവുന്നതാണ്. വിശദ വിവരങ്ങൾ www.tmc.kerala.gov.in  എന്ന വെബ് സൈറ്റിൽ ലഭ്യമാണ്.