ബിഹാറിൽ പതിനേഴുകാരനെ കാമുകിയുടെ ബന്ധുക്കള്‍ ക്രൂരമായി മര്‍ദിച്ച്‌ കൊലപ്പെടുത്തിയശേഷം ജനനേന്ദ്രിയം മുറിച്ചെടുത്തു. മുസാഫര്‍പൂരിലാണ് സംഭവം. പെണ്‍കുട്ടിയുമായുള്ള പ്രണയബന്ധത്തിലെ എതിര്‍പ്പാണ് കൊലപാതകത്തിന് കാരണമെന്ന് പൊലീസ് പറഞ്ഞു. കാന്തി പൊലീസ് സ്റ്റേഷന്‍ പരിധിയില്‍ രേപുര രാംപുര്‍ഷ ഗ്രാമത്തിലെ സൗരബ് കുമാറാണ് കൊല്ലപ്പെട്ടത്.
വെള്ളിയാഴ്ച രാത്രി സൗരബിനെ സോര്‍ബാര ഗ്രാമത്തിലെ പെണ്‍കുട്ടിയുടെ വീട്ടില്‍നിന്ന് പിടികൂടുകയായിരുന്നു. തുടര്‍ന്ന് ക്രൂരമായി മര്‍ദിച്ച ശേഷം ജനനേന്ദ്രിയം മുറിച്ചെടുത്തു. സംഭവം അറിഞ്ഞ് സൗരബിന്റെ വീട്ടുകാര്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.ഇന്ത്യ ടുഡേയാണ് വാർത്ത റിപ്പോർട്ട് ചെയ്തത് .