ഷിബു എന്ന ചിത്രത്തിലൂടെ ശ്രദ്ധേയനായ കാര്ത്തിക് രാമകൃഷ്ണന് കേന്ദ്ര കഥാപാത്രമാവുന്ന പുതിയ ചിത്രമാണ് ‘ബനേര്ഘട്ട’. മലയാളം, തമിഴ് ഭാഷകളിലായി പുറത്തിറങ്ങുന്ന ചിത്രം നേരിട്ട് ആമസോണ് പ്രൈമിലൂടെയാണ് റിലീസ് ചെയ്യുന്നത്. ചിത്രം ജൂലൈ 25ന് ആമസോണ് പ്രൈമില് റിലീസ് ചെയ്യും.
ചിത്രം സംവിധാനം ചെയ്യുന്നത് നവാഗതനായ വിഷ്ണു നാരായണനാണ്. ത്രില്ലര് പശ്ചാത്തലത്തില് ഒരുങ്ങുന്ന ചിത്രത്തില് കാര്ത്തിക്കിനെ കൂടാതെ വിനോദ്, അനൂപ്, സുനില്, അനൂപ് എ.എസ്, ആശ മേനോന് എന്നിവരും ചിത്രത്തില് അഭിനയിക്കുന്നു. ചിത്രത്തിന്റെ തിരക്കഥ സംഭാഷണം എന്നിവ ഒരുക്കിയിരിക്കുന്നത് അര്ജുന് പ്രഭാകരന്, ഗോകുല് രാമകൃഷ്ണന് എന്നിവര് ചേര്ന്നാണ്. മാംപ്ര ഫൗണ്ടേഷന്റെ സഹകരണത്തോടെ കോപ്പി റെെറ്റ് പിക്ച്ചേഴ്സിന്റെ ബാനറില് ആണ് ചിത്രം നിര്മിച്ചിരിക്കുന്നത്.