ബാഡ്മിന്റൺ വേൾഡ് ഫെഡറേഷൻ ലോക ചാമ്പ്യൻഷിപ്പിന് 2026ൽ ഇന്ത്യ ആതിഥേയത്വം വഹിക്കുമെന്നു ബിഡബ്ല്യുഎഫ് അറിയിച്ചു. ഹോസ്റ്റിംഗ് അവകാശം ഇന്ത്യയ്ക്ക് ലഭിച്ചിട്ടുണ്ടെന്ന് ബാഡ്മിന്റൺ വേൾഡ് ഫെഡറേഷൻ വ്യക്തമാക്കി.
2021ൽ ചാമ്പ്യൻഷിപ്പിന് സുഷോ ആതിഥേയത്വം വഹിക്കേണ്ടിയിരുന്നു, എന്നാൽ ഈ വർഷം ചൈനയിൽ ഒരു ടൂർണമെന്റുകളും നടത്താൻ ബിഡബ്ല്യുഎഫിന് കഴിയാത്തതിനാൽ, ഇവന്റ് ഫിൻ‌ലാൻഡിലെ വന്തയിലേക്ക് മാറി.
2023 ലെ ബിഡബ്ല്യുഎഫ് വേൾഡ് മിക്സഡ് ടീം ചാമ്പ്യൻഷിപ്പിന് സുഷോ ആതിഥേയത്വം വഹിക്കും. 2023 ൽ ആതിഥേയത്വം വഹിക്കാനിരുന്ന ഇന്ത്യയാണ് 2026ൽ മത്സരം നടത്തുന്നത്.
ബാഡ്മിന്റണിലെ ഏറ്റവും അഭിമാനകരമായ ടൂർണമെന്റാണ് ബിഡബ്ല്യുഎഫ് ലോക ചാമ്പ്യൻഷിപ്പ്. ലോക ചാമ്പ്യൻ കിരീടത്തിനായി കളിക്കാർ മത്സരിക്കുന്ന വ്യക്തിഗത ചാമ്പ്യൻഷിപ്പാണിത്. അഞ്ച് ഇനങ്ങളുണ്ട് മത്സരത്തിൽ – പുരുഷ സിംഗിൾസ്, വനിതാ സിംഗിൾസ്, പുരുഷ, വനിതാ ഡബിൾസ്, മിക്സഡ് ഡബിൾസ്.