ഫാദർ സ്റ്റാൻ സ്വാമിക്ക് നിഷേധിക്കപ്പെട്ട നീതി പരിഗണിക്കണം, ഞെട്ടൽ രേഖപ്പെടുത്തി ബോംബെ ഹൈക്കോടതി

മനുഷ്യാവകാശ പ്രവർത്തകൻ ഫാദർ സ്റ്റാൻ സ്വാമിയുടെ മരണത്തിൽ ഞെട്ടൽ രേഖപ്പെടുത്തി ബോംബെ ഹൈക്കോടതി. ഇന്ന് സ്റ്റാൻ സ്വാമിയുടെ ജാമ്യാപേക്ഷ കോടതി പരിഗണിക്കവേ ആണ് അദ്ദേഹം മരണപ്പെട്ടെന്ന വാർത്ത അഭിഭാഷകൻ കോടതിയെ അറിയിച്ചത്.

ഈ വിധത്തിൽ സ്റ്റാൻ സ്വാമിക്ക് നിഷേധിക്കപ്പെട്ട നീതി പരിഗണിക്കപ്പെടമെന്നാണ് ബോംബെ ഹൈക്കോടതി പ്രതികരിച്ചത്. സ്റ്റാൻ സ്വാമിയുടെ വിഷയത്തിൽ വീഴ്ച സംഭവിച്ചതെങ്ങനെയെന്ന് പരിശോധിക്കുമെന്നും കോടതി വ്യക്തമാക്കി. എൽഗാർ പരിഷത് കേസിൽ ജാമ്യാപേക്ഷ പരിഗണിക്കുന്നതിനിടയാണ് സ്റ്റാൻ സ്വാമി വിടപറഞ്ഞത്.

മൃ​ത​ദേ​ഹം പോ​സ്റ്റ്മോ​ർ​ട്ടം ചെ​യ്യ​ണ​മെ​ന്നും വേ​ണ്ട ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും മ​ഹാ​രാ​ഷ്ട്ര സ​ർ​ക്കാ​രി​ന് കോ​ട​തി നി​ർ​ദ്ദേ​ശം ന​ൽ​കി​യി​ട്ടു​ണ്ട്. ബാ​ന്ദ്ര​യി​ലെ ഹോ​ളി ഫാ​മി​ലി ആ​ശു​പ​ത്രി​യി​ൽ ഉ​ച്ച​യ്ക്ക് 1.24 ഓ​ടെ​യാ​യി​രു​ന്നു അ​ന്ത്യം. ആ​ശു​പ​ത്രി​യെ​ക്കു​റി​ച്ച് പ​രാ​തി​യി​ല്ലെ​ങ്കി​ലും എ​ൻ​ഐ​എ​യെ​ക്കു​റി​ച്ച് പ​രാ​തി​ക​ളു​ണ്ടെ​ന്ന് അ​ഭി​ഭാ​ഷ​ക​ൻ കോ​ട​തി​യെ അ​റി​യി​ച്ചി​ട്ടു​ണ്ട്.

ഫാ.​സ്റ്റാ​ൻ സ്വാ​മി​ക്ക് മ​തി​യാ​യ ചി​കി​ത്സ ല​ഭ്യ​മാ​ക്കി​യി​ല്ലെ​ന്നും ആ​രോ​ഗ്യ​സ്ഥി വ​ള​രെ മോ​ശ​മാ​യി​ട്ടും മെ​ച്ച​പ്പെ​ട്ട ആ​ശു​പ​ത്രി​യി​ലേ​ക്ക് മാ​റ്റാ​ൻ സാ​ധി​ച്ചി​ല്ലെ​ന്നും ജെ​സ്യൂ​ട്ട് സ​ഭ വി​മ​ർ​ശ​നം ഉ​ന്ന​യി​ച്ചി​ട്ടു​ണ്ട്. ക​ഴി​ഞ്ഞ ര​ണ്ടു ദി​വ​സ​മാ​യി അ​ദ്ദേ​ഹ​ത്തി​ൻറെ നി​ല വ​ള​രെ മോ​ശ​മാ​യി​രു​ന്നു. പ​ല​വ​ട്ടം മെ​ച്ച​പ്പെ​ട്ട ചി​കി​ത്സ തേ​ടി കോ​ട​തി​യെ​യും അ​ധി​കാ​രി​ക​ളെ​യും സ​മീ​പി​ച്ചെ​ങ്കി​ലും അ​നു​കൂ​ല തീ​രു​മാ​ന​മു​ണ്ടാ​യി​ല്ലെ​ന്നാ​ണ് വി​മ​ർ​ശ​നം.

2018 ജനുവരി 1ന് പുണെയിലെ ഭീമ കോറേഗാവിൽ നടന്ന എൽഗർ പരിഷത്ത് സംഗമത്തിൽ മാവോയിസ്റ്റ് ബന്ധമാരോപിച്ചാണ് ഫാ. സ്റ്റാൻ സ്വാമി ഉൾപ്പെടെയുള്ള മനുഷ്യാവകാശ പ്രവർത്തകരെ കഴിഞ്ഞ ഒക്ടോബറിൽ അറസ്റ്റുചെയ്തത്. അഞ്ചു ദശാബ്ദക്കാലമായി ആദിവാസി, ഭൂമി, വനാവകാശ പോരാട്ടങ്ങളിലെ മുൻനിര പോരാളിയായിരുന്നു അദ്ദേഹം.