നിലവിലെ ചാമ്പ്യന്മാരായ ബ്രസീലിനെ സമനിലയിൽ തളച്ച് ഇക്വഡോർ കോപ്പ അമേരിക്കയുടെ ക്വാർട്ടർ ഫൈനലിൽ പ്രവേശിച്ചു.ടൂർണമെന്റിലെ തുടർച്ചയായ നാലാം വിജയം ലക്ഷ്യം വെച്ച് കളിക്കാനിറങ്ങിയ ബ്രസീലിനെതിരേ മികച്ച പ്രകടനമാണ് ഇക്വഡോർ കാഴ്ചവെച്ചത്. ബ്രസീലിനെ 1-1 സമനിലയിൽ ഇക്വഡോർ പിടിച്ചുകെട്ടി.
നിർണായകമായ ഒരു പോയിൻറ് നേടിയ ഇക്വഡോർ ക്വാർട്ടർ ഉറപ്പിക്കുകയും ചെയ്തു. ഗ്രൂപ്പ് ബിയിൽ നേരത്തെ തന്നെ ബ്രസീൽ ക്വാർട്ടർ ഉറപ്പിച്ചിരുന്നു. നെയ്മർ ഉൾപ്പെടെ പ്രമുഖതാരങ്ങൾക്ക് വിശ്രമം അനുവദിച്ചെങ്കിലും ബ്രസീൽ തന്നെയാണ് മത്സരത്തിൽ ലീഡ് എടുത്തത്.