കോപ്പ അമേരിക്കയിലെ ഉദ്ഘാടന മത്സരത്തിൽ ബ്രസീലിന് തകർപ്പൻ ജയം. വെനസ്വേലയെ എതിരില്ലാത്ത മൂന്ന് ഗോളുകൾക്കാണ് നിലവിലെ ചാമ്പ്യൻമാർ തോൽപ്പിച്ചത്.
മാർകിന്യോസ്, നെയ്മർ, ഗബ്രിയേൽ ബാർബോസ എന്നിവരാണ് ബ്രസീലിന്റെ ഗോൾ സ്‌കോറർമാർ. ഒരു ഗോൾ നേടുകയും രണ്ട് ഗോളുകൾക്ക് വഴിവെയ്ക്കുകയും ചെയ്ത നെയ്മർ തകർപ്പൻ ഫോമിലായിരുന്നു.
23-ാം മിനിറ്റിലായിരുന്നു ബ്രിസീലിൻറെ ആദ്യ ഗോൾ.64-ാം മിനിറ്റിലായിരുന്നു നെയ്മറിൻറെ ഗോൾ .89-ാം മിനിറ്റിലാണ് മഞ്ഞപ്പടയുടെ അവസാന ഗോൾ പിറന്നത്. കോവിഡ് മൂലം വെനസ്വേല പകരക്കാരെ ഇറക്കിയാണ് കളിച്ചത്. എന്നിട്ടും ഭേദപ്പെട്ട പ്രതിരോധം കാഴ്ചവയ്ക്കാൻ വെനസ്വേലയ്ക്കും സാധിച്ചു.