രാജ്യത്ത് പെട്രോൾ- ഡീസൽ വില ഇന്നും വർധിച്ചു . പെട്രോൾ ലിറ്ററിന് 27 പൈസയും ഡീസലിന് 29 പൈസയുമാണ് കൂട്ടിയത്. ഇതോടെ കൊച്ചിയിൽ ഒരു ലിറ്റർ പെട്രോളിന് 94 രൂപ 86 പൈസയും ഡീസലിന് 91 രൂപ 27 പൈസയുമായി. മെയ് മാസം മുതൽ തുടർച്ചയായി വർധിക്കുന്ന എണ്ണവില ജൂൺ മാസവും തുടരുകയാണ്.
വർധനവ് തുടർന്നാൽ പെട്രോൾ വില ഉടൻ സെഞ്ചുറിയടിക്കും. കേരളമടക്കമുള്ള സംസ്ഥാനങ്ങളിലെ നിയമസഭാ തെരഞ്ഞെടുപ്പ് കഴിഞ്ഞതിനു പിന്നാലെയാണ് രാജ്യത്തെ ഇന്ധനവില വീണ്ടും ഉയർന്ന് തുടങ്ങിയത്. കോവിഡ് രാജ്യത്തെ സാധാരണക്കാരൻറെ ജീവിതം ബുദ്ധിമുട്ടുകയാണ്. ഇതിനിടെയാണ് തീവെട്ടിക്കൊള്ളയുമായി ഇന്ധനവില വർധന.