നമ്മളെ പോലെ കൊറോണ വൈറസിനും ജീവിക്കാന്‍ അവകാശമുണ്ടെന്ന് ഉത്തരാഖണ്ഡ് മുന്‍ മുഖ്യമന്ത്രിയും ബിജെപി നേതാവുമായ ത്രിവേന്ദ്ര സിംഗ് റാവത്ത്. ഒരു സ്വകാര്യ ചാനലിനോട് സംസാരിക്കവെയാണ് അദ്ദേഹം ഇങ്ങനെ അഭിപ്രായപ്പെട്ടത്. ദാര്‍ശനികമായി ചിന്തിക്കുമ്പോൾ കൊറോണ വൈറസും നമ്മളെ പോലെ ഒരു ജീവിയാണ്. അതിനാല്‍ ജീവിക്കാനുള്ള അവകാശം കൊറോണ വൈറസിനും ഉണ്ട്. നമ്മള്‍ മനുഷ്യര്‍ ഏറ്റവും ബുദ്ധിമാന്‍മാരാണെന്ന് കരുതുകയും കൊറോണയെ ഇല്ലാതാക്കാന്‍ ശ്രമിക്കുകയും ചെയ്യുന്നു. അതേ സമയം തന്നെ വൈറസ് നിരന്തരം ജനിതക മാറ്റത്തിന് വിധേയമാകുകയും ചെയ്യുന്നു- ഇതായിരുന്നു ത്രിവേന്ദ്രയുടെ പ്രസ്താവന. സംഭവം വിവാദമായതോടെ ത്രിവേന്ദ്രയ്‌ക്കെതിരെ രൂക്ഷവിമര്‍ശനവുമായി സോഷ്യല്‍ മീഡിയയില്‍ ട്രോള്‍ പൂരമാണ്. കേന്ദ്രസര്‍ക്കാര്‍ പുതുതായി നിര്‍മിക്കുന്ന സെന്‍ട്രല്‍ വിസ്തയില്‍ കൊറോണയ്ക്ക് അഭയം നല്‍കണമെന്നാണ് ഒരാള്‍ സോഷ്യല്‍ മീഡിയയില്‍ കുറിച്ചത്.