മിയാമി ഓപ്പൺ ടെന്നീസ് വനിതാ സിംഗിൾസ് കിരീടം ഓസ്ട്രേലിയയുടെ ലോക ഒന്നാം നമ്പർ താരം ആഷ്ലെയ്ഗ് ബാർട്ടിക്ക്. കനഡയുടെ ബിയാൻക വനേസ ആൻഡ്രിസ്ക്വുവിനെ തോൽപിച്ചാണ് ബാർട്ടിയുടെ കിരീട നേട്ടം.
ആദ്യ സെറ്റ് 6-3ന് നേടിയ ബാർട്ടി രണ്ടാം സെറ്റിൽ 4-0 ന് മുന്നിട്ട് നിൽക്കുമ്പോൾ ബിയാൻക പിന്മാറുകയായിരുന്നു.ആഷ്ലെയ്ഗ് ബാർട്ടിയുടെ രണ്ടാം മിയാമി ഓപ്പൺ കിരീടമാണിത്.2019 ലാണ് ബാർട്ടി കിരീട ജേത്രിയായത്.
അതേ സമയം പുരുഷ സിംഗിൾസ് ഫൈനൽ ഇന്ന് നടക്കും.ഇറ്റലിയുടെ ജാന്നിക് സിന്നറും പോളണ്ടിന്റെ ഹ്യൂബർട്ട് ഹർക്കാക്സും തമ്മിലാണ് കിരീടപ്പോരാട്ടം.ഇതാദ്യമായാണ് ഇരുവരും ടൂർണമെൻറിന്റെ ഫൈനലിലെത്തുന്നത്.