കേന്ദ്ര സർക്കാരിനെതിരെ സമരം ചെയ്യുന്ന കർഷകർക്ക് പിന്തുണയുമായി ടൈം മാഗസിൻ. കർഷക സമരത്തിലെ സ്ത്രീകളെ കവർ ചിത്രമാക്കി ടൈം മാഗസിൻ.
സമര ഭൂമിയിൽ പ്രക്ഷോഭം നടത്തുന്ന ഇന്ത്യൻ കർഷക വനിതകളെയാണ് ടൈം മാഗസിൻ ഇക്കുറി കവർ പേജ് ചിത്രമാക്കിയിട്ടുള്ളത്.
ടൈം മാഗസിൻറെ കവർ പേജിലൂടെ ഇന്ത്യയിലെ കർഷക സമരം അന്താരാഷ്ട്ര തലത്തിൽ വീണ്ടും ശ്രദ്ധേയമായി. എന്നെ ഭയപ്പെടുത്താൻ കഴിയില്ല, എന്നെ വാങ്ങാൻ കഴിയില്ല’ എന്നാണ് ലേഖനത്തിൻറെ തലക്കെട്ട്.
കൈയിൽ കുട്ടികളെയുമെടുത്ത് മുദ്രാവാക്യം വിളിക്കുന്ന ഇന്ത്യൻ സ്ത്രീകളുടെ ചിത്രമാണ് മാഗസിൻറെ കവർ പേജിലുള്ളത്. കർഷക സമരത്തിലെ സ്ത്രീകളുടെ പങ്കാളിത്തത്തെക്കുറിച്ച് മാഗസിനിൽ വിശദമായ ലേഖനവും വന്നിട്ടുണ്ട്.