കോവിഡ് രോഗിയെ സിഎഫ്എല്‍ടിസിയുടെ ശുചിമുറിയില്‍ തൂങ്ങിമരിച്ച നിലയില്‍ കണ്ടെത്തി. തൃശൂർ നാട്ടിക പഴഞ്ഞിയിലെ അരുവായി ഭട്ടുമുറി പുഷ്പാകരന്‍ (കുട്ടന്‍ -53) ആണ് മരിച്ചത്. ചൊവ്വാഴ്ച രാവിലെ എട്ടോടെയാണ് മൃതദേഹം കണ്ടെത്തിയത്. വീട്ടുകാര്‍ രാവിലെ പല തവണ വിളിച്ചിട്ടും ഫോണ്‍ എടുക്കാതിരുന്നതോടെ സംശയം തോന്നി ബന്ധുക്കള്‍ കേന്ദ്രവുമായി ബന്ധപ്പെട്ട് അന്വേഷിക്കുന്നതിനിടെയായാണ് തൂങ്ങിമരിച്ച നിലയിൽ കണ്ടെത്തിയത്. കോവിഡ് ബാധിച്ച് നാല് ദിവസം മുമ്പാണ് നാട്ടികയില്‍ എത്തിച്ചത്.