മണിപ്പൂരിൽ വീണ്ടും സംഘർഷം. കാക്‌ചിംഗ് ജില്ലയിലാണ് സംഘർഷം ഉണ്ടായത്. തോക്കുധാരികൾ ബിഎസ്എഫ് സൈനികർക്ക് നേരെ വെടിയുതിർക്കുകയായിരുന്നു. സംഘർഷത്തിൽ ഒരു ജവാന് ഗുരുതര പരിക്ക്. വെടിവയ്പ്പിൽ ഹിമാചൽ സ്വദേശി ഹെഡ് കോൺസ്റ്റബിൾ സോം ദത്തിനാണ് (45) പരിക്കേറ്റത്. ഇടതു തോളിൽ വെടിയേറ്റ ദത്തിനെ ഇംഫാലിലെ ആശുപത്രിയിൽ പ്രവേശിപ്പിച്ചു. അപകടനില തരണം ചെയ്തതായാണ് സൂചന
ചുരാചന്ദ്പൂരിൻ്റെയും ചന്ദേലിൻ്റെയും അതിർത്തിയിലുള്ള പ്രശ്നബാധിത പ്രദേശമായ സുഗ്നുവിൽ ശനിയാഴ്ചയാണ് സംഭവം.അക്രമികൾ അപ്രതീക്ഷിതമായി ബിഎസ്എഫ് ജവാൻമാർക്ക് നേരെ വെടിയുതിർക്കുകയായിരുന്നു. മൂന്ന് ദിവസമായി മേഖലയിൽ ആക്രമണം നടക്കുന്നുണ്ടെന്ന് ഉദ്യോഗസ്ഥർ അറിയിച്ചു.