തെന്നിന്ത്യൻ നടി തമന്നയുടെ 18 വർഷം പഴക്കമുള്ള വീഡിയോ സമൂഹമാധ്യമങ്ങളിൽ വൈറൽ. ‘ചാന്ദ് സാ റോഷൻ ചെഹ്‍രാ’ എന്ന ഹിന്ദി ചിത്രത്തിന്റെ റിലീസ് സമയത്ത് പകർത്തിയ വീഡിയോയാണ് ഇപ്പോൾ വൈറലായിരിക്കുന്നത്. തമന്ന ആദ്യമായി അഭിനയിച്ച ചിത്രം 2005 ലാണ് റിലീസാകുന്നത്. 15-ാം വയസിലായിരുന്നു തമന്നയുടെ അരങ്ങേറ്റം. താൻ പത്താം ക്ലാസ് പരീക്ഷയ്ക്ക് തയ്യാറെടുക്കുകയാണെന്ന് തമന്ന പറയുന്നത് വീഡിയോയിൽ കാണാം.
‘‘ഞാനിപ്പോൾ സ്കൂളിൽ പഠിക്കുകയാണ്. 2005 ൽ ഞാൻ പത്താം ക്ലാസ് പരീക്ഷ എഴുതും. പരീക്ഷയ്ക്കായി പഠിച്ചുകൊണ്ടിരിക്കുകയാണ്. ചിത്രം കമ്മിറ്റ് ചെയ്യുന്ന സമയത്ത് എനിക്ക് പതിമൂന്നര വയസ്സായിരുന്നു പ്രായം. ഇപ്പോൾ പത്താംക്ലാസ് പൂർത്തിയാകാറായി.’’– എന്നാണ് തമന്ന വീഡിയോയിൽ പറയുന്നത്.
വിഡിയോ വൈറലായതോടെ നിരവധി ആരാധകരാണ് കമന്റുകളുമായി എത്തിയത്. ഈ പ്രായത്തിൽ ഇത്രയും പക്വതയാർന്ന ശബ്ദമോ എന്നായിരുന്നു ഒരാളുടെ കമന്റ്. 15 വയസ്സുകാരിയാണെന്ന് തോന്നില്ലെന്നും 21 വയസ്സ് തോന്നിക്കുമെന്നുമാണ് ചിലരുടെ അഭിപ്രായം.
View this post on Instagram