പുതിയ ചിത്രവുമായി ജീത്തു ജോസഫ് ബോളിവുഡിലേക്ക്. ത്രില്ലർ-ഡ്രാമ ഴാനറിലാണ് ചിത്രം ഒരുക്കുന്നത്. ജീത്തുവിന്റെ രണ്ടാമത്തെ ബോളിവുഡ് ചിത്രമാണിത്. ദിൽ ധഡക്നെ ദോ,റാസി, ബദായ് ഹോ, ബദായ് ദോ തുടങ്ങി ഹിന്ദിയിലെ ഹിറ്റ് സിനിമകൾളുടെ നിര്‍മ്മാതാക്കളായ ജംഗ്ലീ പിക്ചേഴ്സും ക്ലൌഡ് 9 പിക്ചേഴ്സും ചേർന്നാണ് ചിത്രം നിർമിക്കുന്നത്. ചിത്രത്തിന്റെ കൂടുതൽ വിവരങ്ങൾ ജീത്തു ജോസഫ് തന്നെയാണ് ഇൻസ്റ്റഗ്രാമിലൂടെ പുറത്തുവിട്ടത്. ഇമ്രാൻ ഹാഷ്മി നായകനായ ദ ബോഡിയായിരുന്നു ജീത്തു ജോസഫ് സംവിധാനം ചെയ്ത ആദ്യ ഹിന്ദി ചിത്രം.
ഒരു ത്രില്ലർ-ഡ്രാമ ചിത്രത്തിനായി ജംഗ്ലീ പിക്‌ചേഴ്‌സ്, ക്ലൗഡ് 9 പിക്‌ചേഴ്‌സ് എന്നിവയുമായുള്ള എന്റെ സഹകരണം പ്രഖ്യാപിക്കുന്നതിൽ താൻ സന്തുഷ്ടനാണെന്ന് അദ്ദേഹം പറയുന്നു. ഓരോ ഇന്ത്യക്കാരനിലും ദേശീയ അഭിമാനം ഉണർത്തുന്ന ഈ ചിത്രത്തെക്കുറിച്ചുള്ള കൂടുതൽ അപ്‌ഡേറ്റുകൾക്കായി കാത്തിരിക്കാൻ ജീത്തു പറയുന്നു.
ദൃശ്യം ഫ്രാഞ്ചൈസിയുടെ സ്രഷ്ടാവും തിരക്കഥകൃത്തും സംവിധായകനുമായ ജീത്തു ജോസഫുമായി സഹകരിച്ച് ക്ലൌഡ് 9 പിക്ചേഴ്സിനൊപ്പം വരാനിരിക്കുന്ന ത്രില്ലർ-ഡ്രാമ ചിത്രം പ്രഖ്യാപിക്കുന്നതിൽ ഞങ്ങൾക്ക് സന്തോഷമുണ്ട് എന്ന് ജംഗ്ലീ പിക്ചേഴ്സും തങ്ങളുടെ ട്വിറ്ററിൽ കുറിച്ചിട്ടുണ്ട്.
‘ദൃശ്യം 2′, ’12th മാൻ’, ‘റാം’ എന്നീ ചിത്രങ്ങൾക്ക് ശേഷം മോഹൻലാലിനെ നായകനാക്കി ഒരുക്കുന്ന നേര് ആണ് ഇപ്പോൾ ഷൂട്ടിങ്ങ് നടന്നു കൊണ്ടിരിക്കുന്ന ജീത്തു ജോസഫ് ചിത്രം. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമിക്കുന്നത്. പ്രിയാമണി ആണ് ചിത്രത്തിലെ നായിക. നാല് വർഷങ്ങൾക്ക് ശേഷം പ്രിയാമണി മലയാളത്തിൽ തിരിച്ചെത്തുന്ന ചിത്രം ആശിർവാദ് സിനിമാസിന്റെ 33-ാമത് നിർമാണ ചിത്രം കൂടിയാണ്.