ജമ്മു കശ്മീരില്‍ ദുരൂഹത ഉയര്‍ത്തി ബസുകളിലെ സ്ഫോടനം. ഉധംപൂര്‍ ജില്ലയിലെ പഴയ ബസ് സ്റ്റാന്‍ഡില്‍ പാര്‍ക്ക് ചെയ്തിരുന്ന ബസില്‍ സ്ഫോടനമുണ്ടായി.
സംഭവത്തില്‍ ആളപായം റിപ്പോര്‍ട്ട് ചെയ്തിട്ടില്ല. ജമ്മു കശ്മീര്‍ പോലീസും മറ്റ് സുരക്ഷാ സേനകളും സ്ഥലത്തുണ്ട്. വ്യാഴാഴ്ച പുലര്‍ച്ചെയാണ് സംഭവം.
കഴിഞ്ഞ 8 മണിക്കൂറിനുള്ളില്‍ ഇത് രണ്ടാമത്തെ സ്ഫോടനമാണ്. ബുധനാഴ്ച രാത്രി 10:45 ഓടെ ഡൊമെയില്‍ ചൗക്കില്‍ ഒരു ബസില്‍ സമാനമായ സ്ഫോടനം ഉണ്ടായി. സ്‌ഫോടനത്തില്‍ രണ്ട് പേര്‍ക്ക് പരിക്കേറ്റു. ഇവിടെ നിന്ന് 4 കിലോമീറ്റര്‍ അകലെയാണ് രണ്ടാമത്തെ സ്ഫോടനം നടന്നത്.