ആറ്റുകാല് ക്ഷേത്രത്തിലെ പൊങ്കാല വീടുകളിൽ മാത്രം. ഇക്കൊല്ലത്തെയും പൊങ്കാല കൊവിഡ് മാനദണ്ഡങ്ങൾ പാലിച്ചാണ് വീടുകളിൽ മാത്രമായി ചുരുക്കിയത്. ആറ്റുകാൽ പൊങ്കാല വഴിയരികിൽ വേണ്ടെന്നും ഇന്ന് ചേർന്ന കൊവിഡ് അവലോകന യോഗത്തിൽ തീരുമാനമായി.
2022 ഫെബ്രുവരി 17 നാണ് ആറ്റുകാല് പൊങ്കാല മഹോത്സവം. കുത്തിയോട്ടമുള്പ്പെടെയുള്ള കാര്യങ്ങളില് ജില്ലയിലെ മന്ത്രിമാർ ഉൾപ്പെടെയുള്ളവർ കൂടി പങ്കെടുക്കുന്ന ഉന്നതതല യോഗത്തില് ചര്ച്ച ചെയ്ത് തീരുമാനമെടുക്കുമെന്ന് കളക്ടര് പറഞ്ഞു. പൊങ്കാല പ്രവൃത്തികളുടെ എസ്റ്റിമേറ്റ് അടുത്ത തിങ്കളാഴ്ചയ്ക്കകം സമര്പ്പിക്കണമെന്ന് കളക്ടര് നിര്ദേശം നല്കി. ഉത്സവ മേഖലയായിട്ടുള്ളഎല്ലാ വാര്ഡുകളിലും റോഡുകളുടെ അറ്റകുറ്റപ്പണികളും നിര്മാണ പ്രവര്ത്തനങ്ങളും പൂര്ത്തിയാക്കാനുള്ള നിര്ദേശവും നല്കി.