നടന്‍ ജയറാമിന് കോവിഡ് സ്ഥിരീകരിച്ചു. സാമൂഹിക മാധ്യമ അക്കൗണ്ടിലൂടെ അദ്ദേഹം തന്നെയാണ് രോഗബാധിതനായ വിവരം അറിയിച്ചത്. കോവിഡ് പോസ്ടറ്റീവാണ്. അടുത്ത് ഇടപഴകിയവർ സാമൂഹിക സമ്പർക്കം ഒഴിവാക്കുകയും ലക്ഷണങ്ങളുണ്ടെങ്കില്‍ കോവിഡ് പരിശോധന നടത്തുകയും വേണം. വൈറസ് നമുക്കിടയിൽ തന്നെയുണ്ട്. ഉടൻ എല്ലാവരെയും കാണാൻ കഴിയുമെന്നാണ് പ്രതീക്ഷ എന്നായിരുന്നു ജയറാം കുറിപ്പ് പങ്കുവെച്ചത്. മമ്മൂട്ടി, സുരേഷ് ഗോപി, ദുല്‍ഖര്‍ സല്‍മാന്‍ തുടങ്ങിയ താരങ്ങള്‍ക്കും അടുത്തിടെ കോവിഡ് സ്ഥിരീകരിച്ചിരുന്നു.