മോന്സന് മാവുങ്കലിനെതിരെയുള്ള പോക്സോ പീഡന കേസില് രണ്ട് ഡോക്ടര്മാര്ക്കെതിരെ കേസെടുത്തു.പോക്സോ കേസിലെ അതിജീവിതയുടെ പരാതിയിലാണ് കളമശ്ശേരി മെഡിക്കല് കോളേജിലെ രണ്ട് ഡോക്ടര്മാര്ക്കെതിരെ ക്രൈംബ്രാഞ്ച് കേസെടുത്തത്. മുറിയില് പൂട്ടിയിട്ട് ഡോക്ടര്മാര് ഭീഷണിപ്പെടുത്തിയെന്നാണ് അതിജീവിതയുടെ പരാതി. വൈദ്യ പരിശോധനക്ക് കൊണ്ടുവന്നപ്പോഴാണ് സംഭവം. കൊച്ചി നോര്ത്ത് വനിത പൊലീസ് സ്റ്റേഷനിലെത്തി സംഭവദിവസം തന്നെ പെണ്കുട്ടി നേരിട്ട് പരാതി നല്കിയിരുന്നു. സംഭവത്തില് അന്വേഷണ സംഘം ഇന്ന് മെഡിക്കല് കോളേജിലെത്തി ഡോക്ടര്മാരുടെ മൊഴിയെടുക്കും.
© NERARIYAN | 2023