പെട്രോള് വിലവര്ധനവില് ദേശീയപാത സ്തംഭിപ്പിച്ചുകൊണ്ടുള്ള കോണ്ഗ്രസിന്റെ സമരത്തിനെതിരെ വൈറ്റിലയില് പ്രതിഷേധിച്ച നടന് ജോജു ജോര്ജിനെതിരെ കോൺഗ്രസിന്റെ സൈബർ ആക്രമണം. സാമൂഹ്യ മാധ്യമങ്ങളിലെ അകൗണ്ടുകൾ നിർജീവമായി. പെട്രോള് വിലവര്ധനവില് ദേശീയപാത സ്തംഭിപ്പിച്ചുകൊണ്ടുള്ള കോണ്ഗ്രസിന്റെ സമരത്തിനെതിരെ വൈറ്റിലയില് പ്രതിഷേധിച്ചിരുന്നു നടന് ജോജു ജോര്ജ്. ഇടപ്പള്ളി- വൈറ്റില ദേശീയപാത ഉപരോധിച്ചായിരുന്നു കോണ്ഗ്രസിന്റെ സമരം.
കെ സുധാകരനും ശബരീനാഥനും രമ്യാഹരിദാസും അടക്കമുളള കോണ്ഗ്രസ് നേതൃത്വമായിരുന്നു ബാലിശമായ കമന്റുകളും പോസ്റ്റുകളുമായി രംഗത്ത് വന്നത്. ജോജു ജോര്ജിനെ വ്യക്തിപരമായി അധിക്ഷേപിച്ചുകൊണ്ടായിരുന്നു സൈബര് കോണ്ഗ്രസിന്റെ പ്രതികാരം. ഇതിനു പിന്നാലെയാണ് സോഷ്യൽ മീഡിയ അകൗണ്ടുകൾ നിർജീവമായത്
മണിക്കൂറുകളോളം നീണ്ടുനിന്ന സമരത്തില് നൂറുകണക്കിന് വാഹനങ്ങളായിരുന്നു വഴിയില് കുടുങ്ങിക്കിടക്കുന്നത്. ആറ് കിലോമീറ്ററില് അധികമുള്ള ദേശീയപാത സ്തംഭിപ്പിച്ചുകൊണ്ടായിരുന്നു കോണ്ഗ്രസിന്റെ പ്രതിഷേധം. കോണ്ഗ്രസ് സമരത്തിനിടെയുണ്ടായ ആക്രമണത്തില് നടന് ജോജു ജോര്ജിന്റെ വാഹനത്തിന് ആറ് ലക്ഷം രൂപയുടെ നഷ്ടമുണ്ടായതായി റിപ്പോര്ട്ട്. വാഹനത്തിന്റെ ചില്ല് കല്ലുകൊണ്ട് ഇടിച്ചുതകര്ത്തിരുന്നു.
ജോജുവിന്റെ ലാന്ഡ് റോവര് ഡിഫന്ഡര് കാറിന്റെ ചില്ലാണ് അക്രമികള് അടിച്ചുതകര്ത്തത്. നടന് നേരേ കൈയേറ്റശ്രമവുമുണ്ടായി. തുടര്ന്ന് പൊലീസുകാര് ജോജുവിന്റെ വാഹനത്തില് കയറിയിരുന്നാണ് സുരക്ഷ ഉറപ്പാക്കിയത്. അതേസമയം സംഭവത്തില് കോണ്ഗ്രസ് നേതാക്കള്ക്കെതിരേ ജാമ്യമില്ലാ കുറ്റം ചുമത്തി കേസെടുത്തിരുന്നു