മദീന: മദീനയിലുണ്ടായ വാഹനാപകടത്തില്‍ നാലു പേര്‍ക്ക് ദാരുണാന്ത്യം . അപകടത്തില്‍ അഞ്ചു പേര്‍ക്ക് പരിക്കേറ്റു. അമിതവേഗത്തില്‍ പാഞ്ഞെത്തിയ മിനി ട്രക്ക് നഗരത്തിലെ സിഗ്നലിനടുത്ത് നിര്‍ത്തിയ വാഹനങ്ങളില്‍ ഇടിച്ചുണ്ടായ അപകടത്തിലാണ് നാലു പേരും തല്‍ക്ഷണം മരിച്ചത്.
അതെ സമയം മരിച്ചവരും പരിക്കേറ്റവരും ആരാണെന്ന് അധികൃതര്‍ വ്യക്തമാക്കിയിട്ടില്ല. ചൊവ്വാഴ്ച ഉച്ചക്ക് അലി ബിന്‍ അബീത്വാലിബ് റോഡും കിങ് അബ്ദുല്ല റോഡും കൂടിച്ചേരുന്ന ഭാഗത്തെ ജങ്ഷനിലായിരുന്നു അപകടം.സിഗ്നലിന് സമീപം നിര്‍ത്തിയ വാഹനങ്ങളിലാണ് ട്രക്ക് ഇടിച്ചത്. ഉടന്‍ സംഭവ സ്ഥലത്ത് ആറ് യൂനിറ്റ് ആംബുലന്‍സുകള്‍ എത്തിയതായി മദീന റെഡ്ക്രസന്‍റ് വക്താവ് ഖാലിദ് അല്‍സഹ്ലി പറഞ്ഞു.