വെനിസ്, ആംസ്റ്റർഡാം, ലണ്ടൻ എന്നി നഗരങ്ങളിലെ പോലെ കൊച്ചിയിലും കനാൽ ജലപാതകൾ സജീവമാക്കാനുള്ള പദ്ധതിയുമായി മുന്നോട്ട് പോവുകയാണ് സർക്കാർ.
ഇന്റഗ്രേറ്റഡ് അർബൻ റീജനറേഷൻ ആന്റ് വാട്ടർ ട്രാൻസ്പോർട്ട് സിസ്റ്റത്തിനായി (ഐ‌ആർ‌ഡബ്ല്യുടിഎസ്) ഡച്ച് ഏജൻസി തയ്യാറാക്കിയ വിശദമായ പ്രോജക്ട് റിപ്പോർട്ട് (ഡിപിആർ) സംസ്ഥാന സർക്കാർ അംഗീകരിച്ചതോടെ പദ്ധതിയുടെ പ്രാഥമിക പ്രവർത്തനങ്ങൾ ഉടൻ ആരംഭിക്കും. 1,528 കോടി രൂപയുടെ പുതുക്കിയ എസ്റ്റിമേറ്റ് ഡിപിആറിന് സർക്കാർ ബുധനാഴ്ച അനുമതി നൽകി.
കൊച്ചിയിലെ കനാലുകൾ പുനരുജ്ജീവിപ്പിക്കുക, അതുവഴി അവയെ സഞ്ചാരയോഗ്യമാക്കുക എന്നിവ ലക്ഷ്യമിട്ടുള്ള പദ്ധതിയുടെ മാസ്റ്റർ പ്ലാനും ഡിപിആറും നെതർലാൻഡ്‌സ് ആസ്ഥാനമായുള്ള കൺസോർഷ്യം ആന്റിയ നെഡർലാൻഡ് ബിവി, യൂണിഹോൺ എന്നിവ തയ്യാറാക്കിയിട്ടുണ്ട്.
സർക്കാറിന്റെ ഭരണപരമായ അനുമതി നേടിയതിനാൽ, പ്രോജക്ട് റിപ്പോർട്ട് കേരള ഇൻഫ്രാസ്ട്രക്ചർ ഇൻവെസ്റ്റ്‌മെന്റ് ഫണ്ട് ബോർഡിന് (കിഫബിയ്ക്ക് )സമർപ്പിക്കും. കിഫബി ഫണ്ടുകൾ ഉപയോഗിച്ചാണ് പദ്ധതി നടപ്പാക്കുന്നത്.
ആംസ്റ്റർഡാം പോലുള്ള ലോകോത്തര നഗരങ്ങളുടെ നിലവാരത്തിലേക്ക് കൊച്ചി ഉയർത്തപ്പെടുമെന്ന് പദ്ധതികളുടെ തലവനായ ശർമ പറഞ്ഞു. പ്രധാന കനാലുകൾ – ഇടപ്പള്ളി കനാൽ (11.15 കിലോമീറ്റർ), ചിലവനൂർ കനാൽ (11.023 കിലോമീറ്റർ), തേവര-പെരന്ദൂർ കനാൽ (9.84 കിലോമീറ്റർ), തേവര കനാൽ (1.41 കിലോമീറ്റർ), മാർക്കറ്റ് കനാൽ (0.66 കിലോമീറ്റർ) മൊത്തം 34.083 കിലോമീറ്റർ ദൂരം സഞ്ചാര യോഗ്യമാക്കുവാനും ടൂറിസം വികസനവും ഇതിലൂടെ സാധ്യമാവും.
ഈ കനാലുകളിലുള്ള അനധികൃത കയ്യേറ്റങ്ങൾ നീക്കം ചെയ്യുകയും വിനോദ ഇടങ്ങൾ നിർമ്മിക്കുകയും ചെയ്യും. നിലവിലുള്ള പൊതുഗതാഗത സംവിധാനം ശക്തിപ്പെടുത്തുന്നതിന് വിശാലമായ കനാലുകൾ ഉപയോഗിക്കും. മൊത്തം അവസാന മൈൽ കണക്റ്റിവിറ്റിയുടെ ലക്ഷ്യം കൈവരിക്കുന്നതിന് ഇത് കൂടുതൽ സഹായിക്കും. കൊച്ചിയിലെ വെള്ളക്കെട്ടിന് പരിഹാരം കാണുവാനും പദ്ധതി കൊണ്ട് കഴിയുമെന്ന് കരുതുന്നു.