എസ്എസ്എൽസി പരീക്ഷാ ഫലം ജൂലൈ 14ന് പ്രഖ്യാപിക്കും. ബുധനാഴ്ച ഉച്ചയ്ക്ക് വിദ്യാഭ്യാസമന്ത്രി വി. ശിവൻകുട്ടിയാണ് ഫലം പ്രഖ്യാപിക്കുന്നത്. എസ് എസ് എൽ സി ഫലം എളുപ്പത്തിൽ അറിയാൻ പ്രത്യേക പോർട്ടലും മൊബൈൽ ആപ്പും സജ്‌ജമാക്കിയിട്ടുണ്ട് അധികൃതർ.
എസ്.എസ്.എൽ.സി ഫലമറിയാൻ http://www.results.kite.kerala.gov.in എന്ന പ്രത്യേക ക്ലൗഡധിഷ്ഠിത പോർട്ടലിന് പുറമെ ‘സഫലം 2021 ‘ എന്ന മൊബൈൽ ആപ്പും കേരളാ ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്) അവതരിപ്പിച്ചു.
വ്യക്തിഗത റിസൾട്ടിനു പുറമെ സ്കൂൾ – വിദ്യാഭ്യാസ ജില്ല – റവന്യൂജില്ലാ തലങ്ങളിലുള്ള റിസൾട്ട് അവലോകനം, വിഷയാധിഷ്ഠിത അവലോകനങ്ങൾ, വിവിധ റിപ്പോർട്ടുകൾ, ഗ്രാഫിക്‌സുകൾ തുടങ്ങിയവ ഉൾക്കൊള്ളുന്ന പൂർണ്ണമായ വിശകലനം പോർട്ടലിലും മൊബൈൽ ആപ്പിലും ‘റിസൾട്ട് അനാലിസിസ്’ എന്ന ലിങ്ക് വഴി ലോഗിൻ ചെയ്യാതെ തന്നെ ലഭിക്കും .
ഗൂഗിൾ പ്ലേ സ്റ്റോറിൽ നിന്നും “Saphalam 2021 ” എന്നു നൽകി ആപ് ഡൗൺലോഡ് ചെയ്യാം.ഡാറ്റാ ട്രാഫിക് ഒഴിവാക്കി എളുപ്പത്തിൽ ഫലം ലഭിക്കാൻ ഇത് സഹായിക്കും.
സഫലം 2021 : ആപ്പിൽ ഫലം അറിയുന്നതെങ്ങനെ?
- പ്ലേ സ്റ്റോർ എടുക്കുക
- സഫലം 2020 ആപ് സെർച്ച് ചെയ്യുക
- ഫോണിൽ ആപ്ലിക്കേഷൻ ഡൗൺലോഡ് ചെയ്യുക
- അതിനുശേഷം സഫലം ആപ് ഓപ്പൺ ചെയ്യുക
- എസ്എസ്എൽസി തിരഞ്ഞെടുക്കുക
- ഹാൾ ടിക്കറ്റ് നമ്പർ അല്ലെങ്കിൽ രജിസ്ട്രേഷൻ നമ്പർ അല്ലെങ്കിൽ ജനന തീയതി കൊടുക്കുക
- അതിനു ശേഷം ‘Submit’ ചെയ്യുക
- സ്ക്രീനിൽ നിങ്ങളുടെ എസ്എസ്എൽസി ഫലം കാണാം
- ഫലം സ്ക്രീൻഷോട്ടോ ഡൗൺലോഡോ ചെയ്യുക
എസ്എസ്എൽസി ഫലത്തിന്റെ അവലോകനവും സഫലം ആപ്പിൽ ലഭിക്കും. ഇതിനായി ലോഗിൻ ചെയ്യാതെ തന്നെ സഫലം ആപ്പിലെ ‘Result Analysis’ ലിങ്കിൽ ക്ലിക്ക് ചെയ്താൽ മതി.