പടിഞ്ഞാറൻ അമേരിക്കയിലെയും കാനഡയിലെയും ദശലക്ഷക്കണക്കിന് ജനങ്ങളെ ദുരിതത്തിലാഴ്ത്തി ഉഷ്ണതരംഗം ശക്തമാകുന്നു. ചില റോഡുകൾ അടച്ചു, ട്രെയിൻ ഗതാഗതം പരിമിതപ്പെടുത്തി നിരവധിയാളുകളെ മാറ്റിപാർപ്പിച്ചിട്ടുണ്ട്.
അതേസമയം കാനഡയിൽ കാട്ടുതീ പടരുന്നത് തുടരുകയാണ്. കഴിഞ്ഞ രണ്ട് ദിവസത്തിനുള്ളിൽ 50 തീപിടുത്തങ്ങൾ ഉണ്ടായി. തീപിടുത്തങ്ങൾ തടയാൻ സർക്കാർ പുതിയ അടിയന്തര നടപടികൾ പ്രഖ്യാപിച്ചു.
“അപകടകരമായ താപതരംഗം പടിഞ്ഞാറൻ യുഎസിന്റെ ഭൂരിഭാഗത്തെയും ബാധിക്കും, റെക്കോർഡ് താപനിലയും സാധ്യതയുണ്ട്,” നാഷണൽ വെതർ സർവീസ് ഞായറാഴ്ച വെബ്‌സൈറ്റിൽ വ്യക്തമാകുന്നു. കനേഡിയൻ കാലാവസ്ഥാ നിരീക്ഷകർ പടിഞ്ഞാറൻ കാനഡയുടെ ചില ഭാഗങ്ങളിൽ 90 ഫാരൻഹീറ്റിനെ (32 സെൽഷ്യസ്) അടുക്കുമെന്ന് മുന്നറിയിപ്പുണ്ട്. സീസണൽ മാനദണ്ഡങ്ങൾക്ക് മുകളിലാണ് ഈ കണക്ക്.
തെക്കൻ നഗരമായ ഫീനിക്സ്, സാൻ ഫ്രാൻസിസ്കോയ്ക്ക് തെക്ക് സിലിക്കൺ വാലി സാങ്കേതിക വ്യവസായത്തിന്റെ കേന്ദ്രമായ സാൻ ജോസ് എന്നിവയുൾപ്പെടെ നിരവധി നഗര കേന്ദ്രങ്ങൾക്ക് അമിത ചൂട് മുന്നറിയിപ്പ് നൽകി.