ഉത്തർപ്രദേശിലെ ഗോണ്ട ചണ്ഡീഗഡ് ദിബ്രുഗഡ് എക്‌സ്പ്രസ് പാളം തെറ്റി രണ്ട് പേർ മരിച്ചു. 12 കോച്ചുകൾ പാളം തെറ്റി. മംഗപൂർ റെയിൽവേ സ്റ്റേഷന് സമീപമായിരുന്നു അപകടം. 25 ഓളം പേർക്ക് പരിക്കേറ്റു. ദുരിതാശ്വാസ പ്രവർത്തനങ്ങൾക്കായി ഒരു രക്ഷാസംഘത്തെ സംഭവസ്ഥലത്തേക്ക് അയച്ചിട്ടുണ്ട്. ചിലർക്ക് പരിക്കേറ്റതായി റിപ്പോർട്ടുണ്ട്, യാത്രക്കാർ ലഗേജുമായി ട്രാക്കിൻ്റെ വശങ്ങളിൽ നിൽക്കുന്നതായി ദൃശ്യങ്ങൾ പുറത്ത് വന്നു.
ചണ്ഡീഗഢിൽ നിന്ന് അസമിലെ ദിബ്രുഗഢിലേക്ക് പോവുകയായിരുന്നു ട്രെയിൻ നമ്പർ 15904. 12 കോച്ചുകളിൽ, എസി കമ്പാർട്ടുമെൻ്റിൻ്റെ നാല് കോച്ചുകൾ ജുലാഹി റെയിൽവേ സ്റ്റേഷന് ഏതാനും കിലോമീറ്റർ മുമ്പ് പാളം തെറ്റി. അധികൃതർ സ്ഥിതിഗതികൾ നിരീക്ഷിച്ചുവരികയാണെന്ന് അസം മുഖ്യമന്ത്രി ഹിമന്ത ബിശ്വ ശർമ്മ പറഞ്ഞു.
ത്തർപ്രദേശ് മുഖ്യമന്ത്രി യോഗി ആദിത്യനാഥ് അപകടസ്ഥലത്ത് ഉടൻ എത്താൻ ഉദ്യോഗസ്ഥരോട് നിർദേശിക്കുകയും ദുരിതാശ്വാസ പ്രവർത്തനങ്ങൾ വേഗത്തിലാക്കാൻ അധികൃതർക്ക് നിർദേശം നൽകുകയും ചെയ്തു. പരിക്കേറ്റവർക്ക് യഥാസമയം ചികിത്സ നൽകാനും മുഖ്യമന്ത്രി ഉത്തരവിട്ടിട്ടുണ്ട്.