സർവ്വകലാശാലകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് വിവിധ ആവശ്യങ്ങൾക്ക് ഉപയോഗിക്കാവുന്ന ‘ചാറ്റ് ജിപിടി എഡു’ ഓപ്പൺ എഐ അവതരിപ്പിച്ചു. GPT4O നൽകുന്ന, ചാറ്റ്ബോട്ടിന് ടെക്‌സ്‌റ്റ്, വോയ്‌സ്, വീഡിയോ എന്നിവ പ്രോസസ്സ് ചെയ്യാനും ഡാറ്റ വിശകലനം, വെബ് ബ്രൗസിംഗ്, ഡോക്യുമെൻ്റ് സംഗ്രഹം എന്നിവ ഉൾപ്പെടെയുള്ള ജോലികൾ ചെയ്യാനും കഴിയും. ചാറ്റ് GPT Edu താങ്ങാവുന്ന വിലയിൽ എൻ്റർപ്രൈസ്-ലെവൽ സുരക്ഷയും വാഗ്ദാനം ചെയ്യുന്നു.
ഓക്‌സ്‌ഫോര്‍ഡ് സര്‍വകലാശാല, പെനിസില്‍വാനിയ സര്‍വകലാശാലയിലെ വാര്‍ട്ടണ്‍ സ്‌കൂള്‍, ടെക്‌സാസ് സര്‍വകലാശാല, അരിസോണ സ്‌റ്റേറ്റ് യൂണിവേഴ്‌സിറ്റി, കൊളംബിയ സര്‍വകലാശാല എന്നിവിടങ്ങളില്‍ ലഭ്യമാക്കിയ ചാറ്റ്ജിപിടി എന്റര്‍പ്രൈസ് പതിപ്പിന്റെ വിജയത്തിന് പിന്നാലെയാണ് ചാറ്റ്ജിപിടി എഡ്യു അവതരിപ്പിച്ചത്.
കാമ്പസുകളുടെ വിദ്യാഭ്യാസ, ദൈനംദിന പ്രവര്‍ത്തനങ്ങള്‍ മെച്ചപ്പെടുത്തുന്നതിന് വേണ്ടിയാണ് ചാറ്റ് ജിപിടി എഡ്യു അവതരിപ്പിച്ചിരിക്കുന്നത്. ജിപിടി 4ഒയുടെ വിശകലന കഴിവുകളും, കോഡിങ്, ഗണിത ശാസ്ത്ര കഴിവുകളും ഇതില്‍ ഉപയോഗിക്കാനാവും. വെബ് ബ്രൗസിങ് സൗകര്യവുമുണ്ട്. രേഖകളുടെ സംഗ്രഹം തയ്യാറാക്കാനും ഇത് ഉപയോഗിക്കാം. വിദ്യാഭ്യാസ സ്ഥാപനങ്ങള്‍ക്ക് ഓരോ ആവശ്യങ്ങള്‍ക്കും പ്രത്യേകം കസ്റ്റം ചാറ്റ് ജിപിടി പതിപ്പുകള്‍ നിര്‍മിക്കാനാവും. 50 ഭാഷകള്‍ പിന്തുണയ്ക്കും.
എഐയുടെ പിന്തുണയോടുകൂടി സര്‍വകലാശാലകള്‍ക്കും സ്‌കൂളുകള്‍ക്കും വിദ്യാഭ്യാസം മെച്ചപ്പെടുത്താനും നൂതന സാങ്കേതിക വിദ്യകള്‍ പ്രയോജനപ്പെടുത്താനും ചാറ്റ് ജിപിടി എഡ്യുവിലൂടെ സാധിക്കും. ഇതുമായി ബന്ധപ്പെട്ട കൂടുതല്‍ വിവരങ്ങള്‍ അറിയാന്‍ ഓപ്പണ്‍ എഐയെ നേരിട്ട് ബന്ധപ്പെടാവുന്നതാണ്.