അടുത്ത മൂന്ന് വർഷത്തിനുള്ളിൽ ഐഫോൺ നിർമാതാക്കളായ ആപ്പിൾ ഇന്ത്യയിൽ അഞ്ച് ലക്ഷത്തിലധികം പേർക്ക് തൊഴിൽ നൽകുമെന്ന് റിപ്പോർട്ട്. നിലവിൽ 1.5 ലക്ഷം പേരാണ് ഇന്ത്യയിൽ ആപ്പിളിൽ ജോലി ചെയ്യുന്നത്. ആപ്പിളിൻ്റെ ഏറ്റവും വലിയ തൊഴിൽ ദാതാവ് ടാറ്റ ഇലക്‌ട്രോണിക്‌സ് ആണ്.
ആപ്പിൾ ഇന്ത്യയിൽ നിയമനം വർധിപ്പിക്കുകയാണെന്നും അതിൻ്റെ ഫലമായി മൂന്ന് വർഷത്തിനുള്ളിൽ 5 ലക്ഷം പേർക്ക് തൊഴിൽ നൽകുമെന്നും റിപ്പോട്ടിൽ പറയുന്നു. അടുത്ത 4-5 വർഷത്തിനുള്ളിൽ ഇന്ത്യയിലെ ഉൽപ്പാദനം അഞ്ചിരട്ടിയായി 40 ബില്യൺ ഡോളറായി ഉയർത്താനും ആപ്പിൾ പദ്ധതിയിടുന്നു.
മാർക്കറ്റ് റിസർച്ച് സ്ഥാപനമായ കൗണ്ടർ റിസർച്ച് പ്രകാരം ആദ്യമായി 2023ൽ ഏറ്റവും ഉയർന്ന വരുമാനവുമായി ആപ്പിൾ ഇന്ത്യൻ വിപണിയെ നയിച്ചു. അടുത്തിടെ കയറ്റുമതിയിലും ആപ്പിളിന് മികച്ച വളർച്ചയുണ്ടായി. ട്രേഡ് ഇൻ്റലിജൻസ് പ്ലാറ്റ്‌ഫോമായ ദി ട്രേഡ് വിഷൻ അനുസരിച്ച്, ഇന്ത്യയിൽ നിന്നുള്ള ആപ്പിളിൻ്റെ ഐഫോൺ കയറ്റുമതി 2022-23 ൽ 6.27 ബില്യൺ ഡോളറിൽ നിന്ന് 2023-24 ൽ 12.1 ബില്യൺ ഡോളറായി കുത്തനെ ഉയരും.