തിരുവനന്തപുരം: വീണ്ടും ഇരുട്ടടിയായി പാചക വാതക വില കൂട്ടി. വാണിജ്യ ആവശ്യങ്ങൾക്കുള്ള സിലിണ്ടറിന്റെ വിലയാണ് കൂട്ടിയത്. 19 കിലോഗ്രാം ഭാരമുള്ള സിലിണ്ടറിന് 25 രൂപ 50 പൈസയാണ് വർദ്ധിപ്പിച്ചത്. ഇതോടെ വില 1806 രൂപയായി ഉയർന്നു. ഇന്ന് തൊട്ട് വില വർദ്ധനവ് പ്രാബല്യത്തിൽ വരും.
തുടർച്ചയായ രണ്ടാം മാസമാണ് വാണിജ്യ സിലിണ്ടറുകളുടെ വില വർദ്ധിക്കുന്നത്. കഴിഞ്ഞ മാസം വാണിജ്യ സിലിണ്ടറിന് 14 രൂപ വർദ്ധിപ്പിച്ചിരുന്നു. അതേസമയം, ഗാർഹിക സിലിണ്ടറുകളുടെ വിലയിൽ മാറ്റമില്ല. എണ്ണക്കമ്പനികൾ എല്ലാ മാസവും ഒന്നാം തീയതിയാണ് വില പുതുക്കുന്നത് സംബന്ധിച്ച് തീരുമാനമെടുക്കുന്നത്.